அமெரிக்க ராக் இசைக் கலைஞர் 'டாம் பெட்டி' காலமானார்

பிரபல அமெரிக்க ராக் இசைக் கலைஞர் டாம் பெட்டி மாரடைப்பால் காலமானார்.

நியூயார்க் அருகேயுள்ள மலிபு என்ற இடத்தில் உள்ள தனது இல்லத்தில் டாம் பெட்டி உணர்வற்ற நிலையில் கிடந்ததாகவும், பின்னர் மருத்துவமனைக்கு கொண்டு சென்றபோது அவர் ஏற்கனவே உயிரிழந்துவிட்டதாக மருத்துவர்கள் கூறியதாகவும் தகவல் வெளியாகியுள்ளது. அவருக்கு வயது 66.

இதனை டாம் பெட்டியின் மேலாளர் டோனி டிமிட்டிரியாட்ஸ் உறுதி செய்துள்ளார். முன்னதாக டாம் பெட்டி மரணமடைந்துவிட்டதாக வெளியான தகவலை அவரது மகள் மறுத்திருந்தார். டாம் பெட்டியின் மறைவால் அவரது ரசிகர்கள் துயரில் ஆழ்ந்துள்ளனர். தலைசிறந்த ராக் இசைப் பாடகர்களில் ஒருவராக போற்றப்படும் டாம் பெட்டியின் FREE FALLIN, AMERICAN GIRL உள்ளிட்ட சில இசைத் தொகுப்புகள் மிகவும் பிரபலமானவையாகும்.