பார்பி பொம்மைகளை தயாரித்து வரும் அமெரிக்க நிறுவனமான மேட்டெல், ஒலிம்பிக்கில் தங்கப் பதக்கம் வென்ற அமெரிக்க வீராங்கனை இப்திஹஜ் முகமது-க்கு புகழாரம் சூட்டும் வகையில், அவரது உருவத்தை ஒத்த பொம்மையை தயாரித்துள்ளது.
இஸ்லாமிய மதத்தைச் சேர்ந்த முகமதுவைப் போல அந்த பொம்மையும் பர்தாவுடன் உருவாக்கப்பட்டுள்ளது. நியூயார்க்கின் புரூக்ளின் நகரில் நடந்த இந்த ஆண்டின் கவர்ச்சிமிக்க பெண்களுக்கான விருது வழங்கும் நிகழ்ச்சியில் பங்கேற்க வந்த முகமது அந்த பொம்மையை மிகுந்த மகிழ்ச்சியுடன் அறிமுகம் செய்து வைத்தார். அடுத்த தலைமுறை பெண்களுக்கு ஊக்கம் அளிக்கும் சாதனை பெண்களை கவுரவப்படுத்தும் வகையில் உருவாக்கப்பட்டுள்ள இந்த பொம்மை அடுத்த ஆண்டு முதல் விற்பனைக்கு வரும் என மேட்டல் நிறுவனம் தெரிவித்துள்ளது.