கரும்புகளை தின்றுவிட்டு மின்சார கம்பத்துக்குள் ஒளிந்துகொண்ட யானைக்குட்டியின் க்யூட் புகைப்படம் வைரலாகி வருகிறது
குழந்தைத் தனத்தில் மனிதர்கள் மட்டுமல்ல, விலங்குகளின் குட்டிகளும் குழந்தைகள் தான். நாய்க்குட்டிகள்,
பூனைக்குட்டிகள், குரங்குக்குட்டிகள் போன்ற விலங்குகள் குழந்தைத் தனமாக செய்யும் பல சேட்டைகளை நாம்
கண்கூட பார்த்திருப்போம். சில சேட்டைகள் க்யூட்டாக ரசிக்கும்படியாக இருக்கும். அப்படி ஒரு க்யூட்டான
சம்பவம் தாய்லாந்தில் நடந்துள்ளது.
கரும்புத் தோட்டத்துக்குள் புகுந்த யானைக்குட்டி கரும்புகளை ருசித்து சாப்பிட்டுள்ளது. திடீரென அந்த தோட்டத்தின் உரிமையாளர் வந்து வெளிச்சத்தை அடித்துள்ளார். உடனடியாக சிக்கிவிடுவோம் என்ற பயத்தில் அங்கிருந்த மின்சார கம்பத்தின் மறைவில் தன்னுடைய பெரிய உடலை மறைத்து நிற்பதாக நினைத்து நின்றுள்ளது அந்த யானைக்குட்டி. அந்த புகைப்படம் தற்போது வைரலாகி வருகிறது. 'அதுவும் ஒரு குழந்தைதானே' என பலரும் ரசித்து பதிவிட்டு வருகின்றனர்.