தமிழ்நாட்டில் இன்று 1 முதல் 8 ஆம் வகுப்பு வரை பள்ளிகள் திறக்கப்படும் நிலையில், மாநிலத்தில் கூடுதல் தளர்வுகளும் அமலுக்கு வருகின்றன.
கொரோனா பரவல் கணிசமாக குறைந்ததை அடுத்து ஊரடங்கில் பல்வேறு தளர்வுகள் அறிவிக்கப்பட்டு வருகின்றன. அதனொரு பகுதியாக, இன்று முதல் அனைத்து பள்ளிகளிலும் 1 முதல் 8 -ம் வகுப்புகள் வரை சுழற்சி முறையில் இயங்க அனுமதிக்கப்பட்டுள்ளது. உடன் திரையரங்குகள் 100 சதவீத பார்வையாளர்களுடன் செயல்படவும், தனித்து இயங்கும் மதுக்கூடங்களும் செயல்படவும் அனுமதி அளிக்கப்பட்டுள்ளது. மேலும் கேரளாவை தவிர பிற மாநில மற்றும் மாவட்டங்களுக்கு இடையே சாதாரண மற்றும் குளிர்சாதன பேருந்துகளுக்கு அனுமதி அளிக்கப்பட்டுள்ளது.
தொடர்புடைய செய்தி: 19 மாதங்களுக்குப் பிறகு வகுப்பறைக் கற்றலில் மாணவர்கள்; வரவேற்க தயாரான பள்ளிக்கூடங்கள்
பேருந்துகளில் 100 சதவீத இருக்கைகளில் பயணிக்கவும் அனுமதி வழங்கப்பட்டுள்ளது. தேவையான பணியாளர்களுடன் அனைத்து வகையான படப்பிடிப்புகள் நடத்தவும், அரசு பயிற்சி நிலையங்கள் 100 சதவீத பயிற்சியாளர்களுடன் செயல்படவும் அனுமதி அளிக்கப்பட்டுள்ளது. உள் மற்றும் வெளி விளையாட்டு அரங்குகளில் பயிற்சிகள், விளையாட்டு போட்டிகள் நடத்தவும், சிகிச்சைக்கு நீச்சல் குளங்களை பயன்படுத்தவும் அனுமதி அளிக்கப்பட்டுள்ளது. அதேசமயம், திருவிழாக்கள் மற்றும் அரசியல் நிகழ்வுகளுக்கான தடை தொடரும் எனவும் அரசு அறிவித்துள்ளது.