தஞ்சையில் ஓ.பன்னீர்செல்வத்திற்கு ஆதரவாக வைக்கப்பட்ட பேனர்கள் கிழிக்கப்பட்டுள்ளன.
முன்னாள் முதலமைச்சர் ஓ.பன்னீர்செல்வம் தஞ்சையில் தனது ஆதரவாளர்களை நாளை சந்திக்கிறார். அப்போது பன்னீர்செல்வம் அணியில் 10,000 பேர் இணையும் நிகழ்ச்சியும் நடைபெறும் என அறிவிக்கப்பட்டிருந்தது. இதனையொட்டி தஞ்சை மாநகராட்சி முழுவதும் ஓபிஎஸ்-க்கு ஆதரவாக பேனர்கள் வைக்கப்பட்டுள்ளன.
இந்நிலையில் அந்த பேனர்களில் சிலவற்றை அடையாளம் தெரியாத நபர்கள் நள்ளிரவில் கிழித்துள்ளனர். இதுகுறித்து காவல்நிலையத்தில் புகார் அளித்த பன்னீர்செல்வம் ஆதரவாளர்கள், மாநாட்டுக்கு வருபவர்களுக்கு உரிய பாதுகாப்பு அளிக்க வேண்டும் என்றும் கோரிக்கை விடுத்துள்ளனர்.