திராவிடம் என்ற சொல்லே தமிழை நசுக்கி வளரவிடாமல் அழிப்பதாக பாஜக தேசியச் செயலாளர் ஹெச்.ராஜா தெரிவித்துள்ளார்.
சென்னை வடபழனியில் விஜய் ரசிகர்கள் பாஜகவில் இணையும் நிகழ்ச்சி நடைபெற்றது. இதில் பேசிய ஹெச்.ராஜா, திராவிடம் என்ற சொல்லே தமிழை நசுக்கி அழிக்கிறது என்று சாடினார். அத்துடன் இந்து மதத்தை எதிர்ப்பவர்கள் தேச விரோதிகள் என்று அவர் குறிப்பிட்டார்.
இதற்கு முன்னர் திருவள்ளூரில் செய்தியாளர்களை சந்தித்த ஹெச்.ராஜா, “சிலைகள் காப்பகத்தில் பல சிலைகளை எடுத்து விற்றுவிட்டு, ரூ.4 ஆயிரத்திற்கும் ரூ.5 ஆயிரத்திற்கும் அதேபோன்று போலி சிலைகளை தயாரித்து வைத்துள்ளதாக பொன்.மாணிக்கவேலே கூறியிருக்கிறார். அதனால் இந்து அறநிலைத்துறை என்பது கொள்ளையர்களின் கூடாரமாக மாறிவிட்டது. அரசு இந்து அறநிலையத்துறையையும், இந்துக் கோயில்களையும் பராமரிக்கத் தவறிவிட்டது” என்றும் குற்றம்சாட்டினார்.