யானைகள் கூட்டம் ஒன்றாக குளத்து நீரில் மகிழ்ச்சியாக குளித்து விளையாடிய வீடியோ இணையத்தில் வைரலாகி வருகிறது.
ஞாயிற்றுக்கிழமை யானைகள் கூட்டம், குளத்தில் இறங்கி மகிழ்ச்சியாக விளையாடிய வீடியோவை ஷெல்ட்டிரிக் வனவிலங்கு அறக்கட்டளை பகிர்ந்துள்ளது. அந்த ட்வீட்டில் யானைகள் இவ்வாறுதான் தங்கள் ஞாயிற்றுக்கிழமையைக் கொண்டாடுகின்றன எனக் குறிப்பிட்டுள்ளது.
இதும்பா காடுகளின் பசுமையான வயல்வெளிகளிலும், சேற்றிலும் இறங்கி யானைகள் மகிழ்ச்சியாக விளையாடுகிறது என அந்த வீடியோவில் குறிப்பிட்டுள்ளனர்.
இந்த வீடியோவை பதிவிட்டதிலிருந்து 15 ஆயிரம் பேருக்கும் அதிகமானோர் பார்த்துள்ளனர். பலரும் ஆச்சர்யமான கமெண்டுகளையும் வெளியிட்டு வருகின்றனர்.
பிறந்த 11 நாட்களில் மீட்கப்பட்ட யானையின் மாற்றம் குறித்த புகைப்படங்களையும் ஷெல்ட்ரிக் அறக்கட்டளை பகிர்ந்துள்ளது.