எடப்பாடி பழனிச்சாமியே முதல்வராகத் தொடர்வது என்றும், கட்சியை வழிநடத்துபவராக ஓ.பன்னீர்செல்வம் இருப்பார் என்றும் அதிமுக அணிகள் இணைப்புப் பேச்சுவார்த்தையில் முடிவு எடுக்கப்பட்டதாகத் தகவல் வெளியாகி உள்ளது.
அதிமுக அணிகள் இணைப்பு தொடர்பாக, இரகசியமாக பேச்சுவார்த்தை நடைபெற்று வரும் நிலையில், கட்சியை வழிநடத்த 7 பேர் கொண்ட குழுவை அமைப்பது எனவும், அதற்குத் தலைவராக ஓ.பன்னீர்செல்வம் இருப்பார் என்றும் முடிவெடுக்கப்பட்டிருப்பதாகத் தகவல் வெளியாகி உள்ளது. துணைத் தலைவராக எடப்பாடி பழனிசாமி இருப்பார். எஞ்சிய 5 பேரில் 3 பேர் எடப்பாடி பழனிசாமி அணியிலிருந்தும், 2 பேர் ஓ. பன்னீர்செல்வம் அணியில் இருந்தும் இடம்பெறுவர் எனவும் முடிவெடுக்கப்பட்டுள்ளது. பன்னீர்செல்வம் அணியைச் சேர்ந்த 2 பேருக்கு அமைச்சர் பதவி வழங்க முதலமைச்சர் பழனிசாமி சம்மதம் தெரிவித்துள்ளதாகவும் தெரிகிறது.