ரூ.999 என்ற ஆரம்ப விலையில் 4ஜி மற்றும் லைவ்டிவி வசதியுடன் புதிய ஸ்மார்ட்போனை அறிமுகப்படுத்த ரிலையன்ஸ் ஜியோ நிறுவனம் முடிவு செய்துள்ளதாகத் தகவல் வெளியாகியுள்ளது.
இலவச டேட்டா, வாய்ஸ் என பல்வேறு சலுகைகளுடன் இந்திய தொலைத் தொடர்புத் துறையில் கடந்த செப்டம்பர் 5ம் தேதி கால் வைத்த ரிலையன்ஸ் நிறுவனம், தனது வாடிக்கையாளர்களுக்கு இலவச சேவைகளை மார்ச் 31ம் தேதி வரை வழங்க இருப்பதாக அறிவித்துள்ளது. இந்த நிலையில், 4ஜி வோல்ட், லைவ் டிவி உள்ளிட்ட பல்வேறு வசதிகளுடன் கூடிய புதிய ஸ்மார்ட்போன்களை ரூ.999 மற்றும் ரூ.1,500 என்ற விலையில் ரிலையன்ஸ் அறிமுகப்படுத்தப்பட உள்ளதாக தகவல்கள் வெளியாகியுள்ளது. சந்தையில் தற்போது 4ஜி ஸ்மார்ட்போன்களின் ஆரம்பவிலை ரூ.3,000-த்திலிருந்து தொடங்கும் நிலையில், ரிலையன்ஸ் நிறுவனத்தின் இந்த புதிய திட்டம் ஸ்மார்ட்போன் பயன்பாட்டை அதிகப்படுத்தும் என்று எதிர்பார்க்கப்படுகிறது.