விக்கிரவாண்டி மாநாட்டில் பாஸிட்டிவ் மற்றும் நெகட்டிவ் என்ன என்று ஒவ்வொரு மாவட்ட பொறுப்பாளர்களும் தங்களது கருத்துகளை கூற சொல்லி விஜய் கேட்டுள்ளார்.
சென்னை பனையூரில் உள்ள த.வெ.க அலுவலகத்தில் அக்கட்சியின் தலைவர் விஜய் தலைமையில் நிர்வாகிகளுடன் ஆலோசனைக் கூட்டம் நடைபெற்றது. அப்போது மாநாட்டில் நடைபெற்ற சிக்கல்கள் குறித்து பேசிய நபர்களை பாராட்டி, இதனை வரும் காலங்களில் நடைபெறும் கூட்டங்களில் சரி செய்வோம் என விஜய் தெரிவித்துள்ளார்.
மாவட்டம் மற்றும் அணி பொறுப்பாளர்களை தனித்தனியே அழைத்து புகைப்படம் எடுத்துக்கொண்டு, 5 நிமிடம் உரையாடியுள்ளார். மேலும், அடுத்தடுத்து என்ன பணிகள் செய்வது, முன்நிற்கும் சிக்கல்கள் குறித்து கேட்டறிந்தார். பொறுப்பாளர்கள் மட்டும் இல்லாமல் தொண்டர்களையும் தான் சந்திக்க உள்ளதாகவும் கூறியுள்ளார்.
இதைத்தொடர்ந்து மாநாட்டு உரையில் இஸ்லாமியர்கள் குறித்து எதுவும் பேசவில்லை என வருத்தம் இருந்ததாகவும், தற்போது அவர்களுக்கான தீர்மானம் நிறைவேற்றியதன் மூலம் குறைதீர்ந்ததாகவும் நிர்வாகிகள் தெரிவித்துள்ளனர்.