பிரதமர் மோடி கலந்துகொள்ளும் பொதுக்கூட்டம் நடைபெறும் நந்தனம் ஒய்எம்சிஏ மைதானம் அருகே உள்ள அண்ணாசாலை, எஸ்.வி.படேல் சாலை, காந்தி மண்டபம் சாலை, சிபெட் சந்திப்பு மற்றும் 100 அடி சாலை ஆகியவற்றில் நண்பகல் 12 மணி முதல் இரவு 8 மணி வரை சிறிதளவு போக்குவரத்து நெரிசல் ஏற்பட வாய்ப்புள்ளதாகவும், எனவே வாகன ஓட்டிகள் மாற்று வழியில் செல்ல வேண்டும் என்றும் போக்குவரத்து காவல்துறை கேட்டுக் கொண்டுள்ளது.
இதேபோல் இன்று நண்பகல் 12 மணி முதல் இரவு 8 மணி வரை மத்திய கைலாஷ் முதல் - ஹால்டா சந்திப்பு வரையும், பல்லாவரம் இந்திரா காந்தி சாலை முதல் கத்திப்பாரா சந்திப்பு வரை வணிக வாகனங்கள் செல்ல தடை விதிக்கப்பட்டுள்ளது.
ராமாபுரம் - மவுண்ட் பூந்தமல்லி சாலை முதல் கத்திப்பாரா சந்திப்பு வரையும், அசோக் பில்லர் முதல் கத்திப்பாரா சந்திப்பு வரையும் வணிக வாகனங்களுக்கு தடை விதிக்கப்பட்டுள்ளது.
விஜயநகர் சந்திப்பு முதல் கான்கார்ட் சந்திப்பு வரைக்கும், அண்ணா சிலை முதல் - மவுண்ட் சாலை வரையும், தேனாம்பேட்டை நந்தனம் காந்தி மண்டபம் சாலையிலும் வணிக வாகனங்கள் செல்ல முடியாது.