சென்னை மற்றும் புறநகரில் இரவு முதல் விட்டு விட்டு கனமழை. காலை பத்து மணி வரை மழை தொடரும் என வானிலை ஆய்வு மையம் அறிவிப்பு. இதை கருத்தில் கொண்டு, சென்னையில் இன்று பள்ளிகளுக்கு மட்டும் விடுமுறையும் அறிவிக்கப்பட்டுள்ளது.
தென்மேற்கு வங்கக்கடலில் புதிய காற்றழுத்த தாழ்வுப்பகுதி உருவானது. இதனால் 15ஆம் தேதி வரை சென்னை உள்ளிட்ட வட மாவட்டங்களில் கனமழைக்கு வாய்ப்பு.
ஸ்டெர்லைட் ஆலையை குறித்த தீர்ப்பை மறு ஆய்வு செய்யக்கோரி வேதாந்தா நிறுவனம் தாக்கல் செய்த மனுவை, தள்ளுபடி செய்து உச்சநீதிமன்றம் உத்தரவு பிறப்பித்துள்ளது.
கங்குவா திரைப்படத்தை வெளியிடுவதில் மீண்டும் சிக்கல் எழுந்துள்ளது. 20 கோடி ரூபாயை சொத்தட்சியரிடம் செலுத்தாமல் வெளியிடக் கூடாது என சென்னை உயர்நீதிமன்றம் உத்தரவு பிறப்பித்துள்ளது.
மணிப்பூரில் பாதுகாப்பு படையினருடன் நடந்த மோதலில், 11 கிளர்ச்சியாளர்கள் சுட்டுக்கொலை செய்யப்பட்டுள்ளனர். காவல்நிலையத்தின் மீது தாக்குதல் நடத்திய போது மோதல் ஏற்பட்டுள்ளது.
ஜார்கண்ட்டில் முதல்கட்டத் தேர்தல் நடக்கும் 43 தொகுதிகளில் பரப்புரை நிறைவு பெற்றது. பாஜக மற்றும் கூட்டணி வேட்பாளர்களுக்கு ஆதரவாக அமித்ஷா, யோகி ஆதித்யநாத் வாக்கு சேகரித்துள்ளனர்.
இடைத்தேர்தல் நடைபெறும் வயநாடு மக்களவைத் தொகுதியில் பரப்புரை ஓய்ந்தது. பரப்புரை இறுதிநாளில் சகோதரி பிரியங்காவுக்காக வாக்கு சேகரித்தார் மக்களவை எதிர்க்கட்சித் தலைவர் ராகுல்காந்தி.
காங்கிரஸ் மற்றும் பாரதிய ஜனதா கட்சிகள் தேர்தல் ஆணையத்திடம் பரஸ்பரம் குற்றச்சாட்டு. தேர்தல் நடத்தை விதிகளை மீறிவிட்டதாக ஒருவர் மீது ஒருவர் புகார்.
ரஷ்ய அதிபர் புடினை, டொனால்ட் ட்ரம்ப் தொலைபேசியில் அழைத்து பேசவில்லை என தகவல் வெளியாகி உள்ளது. முழுக்க முழுக்க கற்பனை கதை என ரஷ்ய அதிபர் மாளிகை செய்தித் தொடர்பாளர் திட்டவட்டமாக இதை தெரிவித்துள்ளார்.
லெபனானுடன் போர் நிறுத்தம் செய்வதற்கான பேச்சுவார்த்தையில் நல்ல முன்னேற்றம் ஏற்பட்டுள்ளது என இஸ்ரேல் வெளியுறவுத்துறை அமைச்சர் கிடியோன் சார் பேட்டி அளித்துள்ளார்.
சென்னை கிராண்ட் மாஸ்டர்ஸ் தொடரில் மாஸ்டர்ஸ் பிரிவில் பட்டம் வென்றார் தமிழ்நாட்டு வீரர் அரவிந்த் சிதம்பரம். சேலஞ்சர் பிரிவில் பிரணவ் சாம்பியன் பட்டம் பெற்றுள்ளார்.
சென்னை கிராண்ட் மாஸ்டர்ஸ் போட்டியில் வென்ற அரவிந்த் சிதம்பரம், பிரணவிற்கு முதலமைச்சர் ஸ்டாலின் வாழ்த்து. எதிர்கலத்திற்கான மகத்தன நம்பிக்கையை காட்டுவதாக எக்ஸ் தளத்தில் பதிவு.
தங்களது சுயநலத்திற்காக சிலர் நாட்டை பிளவுபடுத்த முயற்சிப்பதாக, பிரதமர் மோடி கூறியுள்ளார்.
தமிழகத்தில் 6 ஐஏஎஸ் அதிகாரிகள் பணியிட மாற்றம் செய்யப்பட்டுள்ளனர்.
இந்தியாவின் இறையாண்மைக்கு எதிராக கருத்துகளை பதிவிட்டதாக தொடரப்பட்ட வழகில் சரவணக்குமார் என்ற அப்துல்லாவிற்கு பூந்தமல்லி சிறப்பு நீதிமன்றம் ஐந்தாண்டு சிறை தண்டனை விதித்துள்ளது.
பெரம்பலூர் மாவட்டம் அரும்பாவூர் அருகே அம்பேத்கர் சிலையை சேதப்படுத்திய நபரை காவல் துறையினர் கைது செய்தனர்.