ராகுல் காந்தி டீசர்ட் குறித்து விமர்சித்த பாஜக... பதிலடி கொடுத்த காங்கிரஸ்

ஒற்றுமை பாத யாத்திரையில் ராகுல் காந்தி அணிந்திருந்த டீசர்ட்டின் விலை குறித்து பாஜக விமர்சித்திருந்த நிலையில், அதற்கு காங்கிரஸ் பதிலடி கொடுத்துள்ளது.

கன்னியாகுமரி முதல் காஷ்மீர் வரை ராகுல்காந்தி தலைமையில் ஒற்றுமை பாத யாத்திரை தொடங்கப்பட்டுள்ளது. அதில், ராகுல்காந்தி அணிந்திருந்த வெள்ளை நிற டீசர்ட்டின் விலை 41 ஆயிரத்து 257 ரூபாய் என குறிப்பிட்டு, பாரதமே பார் என பாஜகவின் அதிகாரப்பூர்வ ட்விட்டர் பக்கத்தில் பதிவிடப்பட்டிருந்தது.

அதற்கு, ஒற்றுமை பாத யாத்திரையில் கூடியுள்ள கூட்டத்தை பார்த்து பாஜக பயப்பட வேண்டாம் என காங்கிரஸ் தலைமையும் தனது ட்விட்டர் பக்கத்தில் பதில் அளித்துள்ளது. வேலையின்மை, பணவீக்கம் குறித்து விவாதிப்பதை விடுத்து, ஆடைகள் குறித்துதான் பேச வேண்டும் என்றால் பிரதமர் மோடியின் 10 லட்சம் ரூபாய் மதிப்பிலான கோட், ஒன்றரை லட்சம் ரூபாய் மதிப்பிலான கண்ணாடி குறித்தும் பேசத் தயார் என காங்கிரஸ் கேள்வி எழுப்பியுள்ளது.

இதையும் படிக்க: அதிமுக அலுவலகம் ஒன்றும் எடப்பாடி பழனிச்சாமி வீட்டு சொத்து இல்லை-கொளத்தூர் கிருஷ்ணமூர்த்தி