பொங்கல் பண்டிகை - நாளை மறுநாள் தொடங்கும் ரயில் டிக்கெட் முன்பதிவு

பொங்கல் பண்டிகைக்கான ரயில் டிக்கெட் முன்பதிவு நாளை மறுநாள் தொடங்குவதாக அறிவிக்கப்பட்டுள்ளது.

2020ஆம் ஆண்டு பொங்கல் பண்டிகைக்கான ரயில் டிக்கெட் முன்பதிவுகள் நாளை மறுநாள் தொடங்குகிறது. இது தேதிகள் வாரியாக செப்டம்பர் 21-ஆம் தேதி வரை நடைபெறவுள்ளது. காலை 8 மணி முதல் முன்பதிவுகள் தொடங்கும். அதன்படி ஜனவரி 10-ஆம் தேதி அன்று ஊருக்கு செல்ல நினைப்பவர்கள் நாளை மறுநாள் டிக்கெட் முன்பதிவு செய்யலாம். ஜனவரி 11-ஆம் தேதி ஊருக்கு செல்பவர்கள் செப்டம்பர் 13-ஆம் தேதியும், ஜனவரி 12-ஆம் தேதி ஊருக்கு செல்பவர்கள் செப்டம்பர் 14-ஆம் தேதியும் முன்பதிவு செய்ய முடியும். 

ஜனவரி 13ஆம் தேதி ஊருக்கு செல்பவர்கள் செப்டம்பர் 15ஆம் தேதியும், ஜனவரி 14ஆம் தேதி ஊருக்கு செல்பவர்கள் செப்டம்பர் 16-ஆம் தேதியும் முன்பதிவு செய்துகொள்ளலாம். இதேபோன்று ஜனவரி 15-ஆம் தேதி ஊருக்கு செல்பவர்கள் செப்டம்பர் 17-ஆம் தேதியும், ஜனவரி 16-ஆம் தேதி ஊருக்கு செல்பவர்கள் செப்டம்பர் 18-ஆம் தேதியும் முன்பதிவு செய்யலாம். ஜனவரி 17-ஆம் தேதி ஊருக்கு செல்பவர்கள் செப்டம்பர் 19ஆம் தேதியும், ஜனவரி 18ஆம் தேதி ஊருக்கு செல்பவர்கள் செப்டம்பர் 20ஆம் தேதியும் முன்பதிவு செய்ய முடியும். மேலும், ஜனவரி 19ஆம் தேதி ஊருக்கு செல்பவர்கள் செப்டம்பர் 21-ஆம் டிக்கெட்டுகளை பதிவு செய்யலாம்.