சென்னை: செல்ஃபி எடுக்கும்போது கூவத்தில் விழுந்த நபர்; பத்திரமாக மீட்ட தீயணைப்புத் துறை

செல்ஃபி எடுக்கும்போது நேப்பியர் பாலத்தில் இருந்து கூவம் ஆற்றில் விழுந்த நபர், தீயணைப்பு மற்றும் காவல் துறையினரால் மீட்கப்பட்டார்.

சென்னை நேப்பியர் பாலத்தில் இருந்து அடையாளம் தெரியாத நபர் ஒருவர் நேற்றிரவு கூவம் ஆற்றில் விழுந்துள்ளார். இதையடுத்து இன்று காலை பொதுமக்கள் கொடுத்த தகவலின் பேரில் தீயணைப்பு வீரர்கள் மற்றும் அண்ணாசதுக்கம் காவல்துறையினர் சிலமணி நேர போராட்டத்திற்கு பிறகு அவரை பத்திரமாக மீட்டனர்.

பின்னர் நடைபெற்ற விசாரணையில் அந்த நபர் பெரியமேட்டைச் சேர்ந்த கார்த்தி (30) என்பது தெரியவந்தது. இவர் நடைபயிற்சி மேற்கொண்டிருந்தபோது செலஃ;பி எடுக்க முயன்றுள்ளார். அப்போது எதிர்பாராதவிதமாக தவறி பாலத்திலிருந்து கூவம் ஆற்றில் விழுந்துள்ளார். மீட்கப்பட்ட நபருக்கு முதலுதவி அளிக்கப்பட்டு நலமுடன் வீட்டுக்கு அனுப்பி வைக்கப்பட்டார்.