கொரோனா: கட்டளை மையத்திற்கு அதிகாரிகள் நியமனம்

கொரோனா தொடர்பான பணிகளை ஒருங்கிணைக்கும் கட்டளை மையத்திற்கு அதிகாரிகள் நியமிக்கப்பட்டுள்ளனர்.

கொரோனா கட்டளை மையம் அமைக்கப்பட்டு அதற்கான அதிகாரிகளை நியமித்து தமிழக அரசு உத்தரவிட்டுள்ளது. கட்டளை மையத்திற்கு ஒருங்கிணைப்பாளராக தரேஷ் அகமது ஐ.ஏ.எஸ் நியமிக்கப்பட்டுள்ளார். கட்டளை மையத்தின் செயல்பாடு, தரம் குறித்து ஆய்வுசெய்ய அழகுமீனா என்ற அதிகாரியும் நியமனம் செய்யப்பட்டுள்ளார். இந்தக் குழுவில் ஐஏஎஸ் அதிகாரிகள் நந்தகுமார், எஸ்.உமா, எஸ்.வினீத், கே.பி. கார்த்திகேயன் ஆகியோர் நியமனம் செய்யப்பட்டுள்ளனர்.

அரசு மற்றும் தனியார் மருத்துவமனைகளில் ஆக்சிஜன் இருப்பு, மருத்துவமனைகளில் படுக்கை விவரங்களை கட்டளை மையம் கண்காணிக்கும். ஆக்சிஜன் தொடர்பாக 104 என்ற இலவச தொலைபேசி எண்ணிலோ, ட்விட்டரிலோ தொடர்புகொள்ளலாம்.