அதிமுக-வை கைப்பற்ற யாரையும் விடமாட்டோம் எனவும் அதிமுக தொண்டர்களின் சொத்து தனிக் குடும்பத்தின் சொத்தாக மாறாது எனவும் முதலமைச்சர் பன்னீர்செல்வம் தெரிவித்துள்ளார்.
சென்னையில் தனது இல்லத்தில் செய்தியாளர்களிடம் பேசிய முதலமைச்சர் பன்னீர்செல்வம், அதிமுக-வை கைப்பற்ற நினைப்பவர்களின் எண்ணம் நிறைவேறாது என தெரிவித்தார். அதிமுக-வை கைப்பற்ற யாரையும் விடமாட்டோம் எனக் கூறிய அவர், அதிமுக தொண்டர்களின் சொத்து தனிக் குடும்பத்தின் சொத்தாக மாறாது எனவும் உறுதி அளித்தார். தனக்கு ஆதரவளித்து வரும் அனைவருக்கும் தனது நன்றியை தெரிவிப்பதாகவும் முதலமைச்சர் பன்னீர்செல்வம் கூறினார்.