சென்னை மாநகர பேருந்தின் மாதாந்திர சீசன் கட்டணத்தை உயர்த்தும் நடவடிக்கை எதுவும் தற்போது இல்லை என மாநகர போக்குவரத்து கழகம் தெரிவித்துள்ளது.
சென்னை மாநகர போக்குவரத்து கழகத்தின் மாதாந்திர பயண அட்டை 1000 ரூபாய்க்கு தற்போது வழங்கப்படுகிறது. இந்த கட்டணம் உயர இருப்பதாக தகவல் பரவியது. ஆனால் கட்டண உயர்வு தகவல் உண்மை இல்லை என போக்குவரத்து கழக அதிகாரிகள் தெரிவித்தனர். கட்டணம் உயர்த்துவது என்பது அரசின் கொள்கை ரீதியிலான முடிவு என்றும் அவர்கள் தெரிவித்தனர்.
பயணிகளை கவர குறைந்தபட்ச கட்டணம் 5 ரூபாய் என்று பேருந்துகளில் ஸ்டிக்கர் ஒட்டியிருந்த நிலையில், மாதாந்திர கட்டண உயர்வு இல்லை என தெரிவிக்கப்பட்டுள்ளது.