இறைத்தூதரான முகமது நபியின் பிறந்த நாளான மிலாடி நபி இஸ்லாமிய மக்களால் கொண்டாடப்படுகிறது. இந்நிலையில் இந்த ஆண்டு தமிழகத்தில் பிறை தெரியாததால், மிலாடி நபி நாள் வரும் 17ஆம் தேதி கொண்டாடப்படும் என தமிழ்நாடு அரசின் தலைமை காஜி தெரிவித்திருந்தார்.
இதனைத் தொடர்ந்து செவ்வாய்கிழமையான வரும் 17ஆம் தேதியை அரசு விடுமுறையாக தமிழக அரசு அறிவித்து அரசாணையை வெளியிட்டுள்ளது.
முன்னதாக திங்கட்கிழமையான 16ஆம் தேதி தமிழக அரசு பொது விடுமுறையாக அறிவித்திருந்த நிலையில், தற்போது தேதி மாற்றம் செய்து மறு உத்தரவு பிறப்பிக்கப்பட்டுள்ளது.