சென்னையில் இனி வழக்கம் போல மெட்ரோ ரயில்கள் இயங்கும்!

சென்னையில் வார நாட்களில் மெட்ரோ ரயில்கள் வழக்கம்போல இயக்கப்படும் என அறிவிக்கப்பட்டுள்ளது.

தமிழக அரசு இரவுநேர ஊரடங்கு மற்றும் ஞாயிறு ஊரடங்கை ரத்து செய்துள்ள நிலையில் இனி வார நாட்களான திங்கட்கிழமை முதல் சனிக்கிழமை வரை காலை 5.30 மணி முதல் இரவு 11.00 மணி வரை மெட்ரோ ரயில்கள் இயக்கப்படும் எனத் தெரிவிக்கப்பட்டுள்ளது. அதன்படி நெரிசல்மிகு நேரங்களில் காலை 8 மணி முதல் 11 மணி வரையிலும் மாலை 5 மணி முதல் 8 மணி வரையிலும் 5 நிமிட இடைவெளியில் ரயில் இயக்கப்படும் எனத் தெரிவிக்கப்பட்டுள்ளது.

மற்ற நேரங்களில் 10 நிமிட இடைவெளியில் ரயில் இயக்கப்படும் என்றும் குறிப்பிடப்பட்டுள்ளது. ஞாயிற்றுக்கிழமைகளில் வழக்கம்போல காலை 7 மணி முதல் இரவு 10 மணி வரை 10 நிமிட இடைவெளியில் ரயில் இயக்கப்படும் எனத் தெரிவிக்கப்பட்டுள்ளது.

சமீபத்திய செய்தி: கோவை: போலி தங்கக் கட்டியை கொடுத்து ரூ.5 லட்சத்தை ஏமாற்றிய கும்பல்