"முதல்வர் பதவி என்பது கடவுள் கொடுக்கும் வரம்; அது எல்லோருக்கும் கிடைக்காது. சட்டமன்றத்3 தேர்தலில் அதிமுகவுக்கு என் முழுஆதரவு" என பிரபல வில்லன் நடிகர் சுமன் மதுரையில் செய்தியாளர்களுக்கு பேட்டியளித்துள்ளார்.
தமிழ், தெலுங்கு சினிமாவில் பிரபலமான வில்லன் நடிகர் சுமன். இவர், சினிமா துறைக்கு வந்து 43 ஆண்டுகள் நிறைவு பெற்றதை அடுத்து மதுரை மீனாட்சியம்மன் கோயிலில் சாமி தரிசனம் செய்தார். பின்னர் செய்தியாளர்களை சந்தித்த அவர் பேசும்போது...
“ கொரோனா காலத்தில் மருத்துவர்கள், செவிலியர்கள், காவல்துறையினர் ஆகியோர் கடுமையாக உழைத்தனர். சட்டமன்றத் தேர்தலில் அதிமுகவுக்கு என் முழு ஆதரவும் உண்டு. அதிமுகவில் சேர்வது தொடர்பாக இன்னும் முடிவு எடுக்கவில்லை. தமிழகம் பாதுகாப்புமிக்க மாநிலமாக திகழ்கிறது. அதிமுக தலைமையில் தமிழகத்தில் சிறந்த ஆட்சி நடைபெறுகிறது. இ.பி.எஸ் தலைமையில் சிறப்பான ஆட்சி நடைபெறும்போது நாம் மற்றோரு முதல்வரை தேர்வு செய்ய வேண்டாம் என்றவர் தொடர்ந்து...
ஜெயலலிதாவின் திட்டங்களைதான் பல மாநிலங்களில் காப்பி அடித்துள்ளன. ஏற்கனவே அறிவித்து நடைபெறும் திட்டப்பணிகளை முடிக்க இரண்டாம் முறை ஆளும் வாய்ப்பை தற்போது ஆளும் முதல்வருக்கு கொடுக்க வேண்டும். முதல்வர் பதவி என்பது கடவுள் கொடுக்கும் வரம், அது எல்லோருக்கும் கிடைத்து விடாது’‘ என்று கூறினார்.