கொடைக்கானலில் சுற்றுலா பயணிகள் பயன்படுத்தும் வெள்ளை குதிரையை காட்டெருமை முட்டித் தூக்கியதாக குதிரை உரிமையாளர் புகார் தெரிவித்துள்ளார்.
கொடைக்கானலில் உள்ள ஏரிச்சாலையில், சுற்றுலா பயணிகள் குதிரையேற்றம் செய்ய பயன்படுத்தும் வெள்ளைக்குதிரையை மேய்ச்சலுக்குய் விட்டபோது, அந்தப் பகுதியில் உலாவந்த காட்டெருமை முட்டி தூக்கி விசியதாக குதிரை உரிமையாளர் கணேசன் தெரிவித்துள்ளார்.
காட்டெருமை முட்டியதில் குதிரையின் தொடை கிழிந்தும், மூட்டு விலகியும் படுகாயம் அடைந்ததாகவும், தகவல் அறிந்த வனத்துறையினர் அரசு மருத்துவர் உதவியுடன் அந்த குதிரைக்கு சிகிச்சை அளித்ததாகவும், உரிய நிவாரணம் அளிப்பதாக உறுதியளித்திருப்பதாகவும் அவர் கூறினார்.