சென்னையில் இன்று இரண்டாவது நாளாக ஆயிரத்துக்கும் குறைவான கொரோனா தொற்று உறுதிச் செய்யப்பட்டுள்ளது.
தமிழகத்தில் நாள்தோறும் கொரோனா பாதிப்பு தொடர்பான தகவல்கள் கொண்ட அறிக்கையை சுகாதாரத்துறை வெளியிட்டு வருகிறது. அதன்படி, இன்று வெளியிடப்பட்ட தகவலில் ஒரே நாளில் 5,883 பேருக்கு கொரோனா நோய்த் தொற்று இருப்பது உறுதி செய்யப்பட்டுள்ளது. தமிழகத்தில் இதுவரை கொரோனாவால் பாதிக்கப்பட்டோரின் எண்ணிக்கை 2,90,907 ஆக உயர்ந்துள்ளது.
மேலும், தமிழகத்தில் இன்று மட்டும் 5,043 பேர் கொரோனாவில் இருந்து மீண்டு டிஸ்சார்ஜ் செய்யப்பட்டுள்ளனர். இதனால் ஒட்டு மொத்தமாகத் தமிழகத்தில் இதுவரை குணமடைந்தவர்களின் எண்ணிக்கை 2,32,618 ஆக உயர்ந்துள்ளது. சென்னையைப் பொருத்தவரை இன்று ஒரே நாளில் மட்டும் 986 பேர் கொரோனாவால் பாதிக்கப்பட்டுள்ளனர். சென்னையில் நேற்று 984 பேருக்கு கொரோனா தொற்று உறுதிச் செய்யப்பட்டது.
தமிழகத்தில் இன்று கொரோனா பாதிப்புக்கு 118 பேர் உயிரிழந்துள்ளனர். இதுவரை மொத்தம் 4,808 பேர் உயிரிழந்துள்ளனர். தமிழகத்தில் இன்று 37 பேர் தனியார் மருத்துவமனையிலும் 81 பேர் அரசு மருத்துவமனையிலும் உயிரிழந்துள்ளனர். சென்னையில் இன்று 20 பேர் கொரோனா தொற்று காரணமாக உயிரிழந்தனர்.