ஆம்பூர் அருகே நண்பர்களுடன் பாலாற்றில் குளிக்கச் சென்ற இளைஞர் நீரில் மூழ்கியதால் தேடும் பணியில் தீயணைப்புத் துறையினர் ஈடுபட்டுள்ளனர்.
திருப்பத்தூர் மாவட்டம் ஆம்பூர் கிருஷ்ணாபுரம் பகுதியைச் சேர்ந்தவர் ராகேஷ் இவர் தனது நண்பர்களுடன் சான்றோர்குப்பம் பாலாற்றில் உள்ள நீரில் குளிப்பதற்காக சென்றுள்ளார் அப்போது நண்பர்களுடன் குளித்து கொண்டிருந்த ராகேஷ் திடீரென நீரில் மூழ்கியுள்ளார் உடனடியாக அவரது நண்பர்கள் மற்றும் அங்கிருந்த பொதுமக்கள் தேடியும் கிடைக்காததால் ஆம்பூர் தீயணைப்புத் துறையினருக்கு தகவல் தெரிவித்தனர்.
தகவல் அறிந்து விரைந்து வந்த ஆம்பூர் தீயணைப்புத் துறையினர் நீரில் மூழ்கிய ராகேஷை தேடும் பணியில் ஈடுபட்டனர். இதையடுத்து இரவு நேரம் ஆனதால் போதிய வெளிச்சம் இல்லாத காரணத்தால் தீயணைப்புத் துறையினர் தேடும் பணியை நிறுத்திவிட்டு திரும்பினர் நண்பர்களுடன் குளிக்க சென்ற இளைஞர் நீரில் மூழ்கிய சம்பவம் ஆம்பூர் பகுதியில் பெரும் சோகத்தை ஏற்படுத்தியுள்ளது.