முல்லைப் பெரியாறில் இருந்து தண்ணீர் திறந்துவிடக்கோரி மேலூரில் சாலை மறியல் போராட்டம் நடத்திய 1,200 பேர் மீது வழக்கு பதிவு செய்யப்பட்டுள்ளது.
முல்லைப் பெரியாறில் இருந்து ஒருபோக சாகுபடிக்கு தண்ணீர் திறந்து விட வலியுறுத்தி 5 ஆயிரத்திற்கும் மேற்பட்டவர்கள் மேலூரில் சென்னை - கன்னியாகுமரி தேசிய நான்கு வழிச்சாலையை மறித்து 5 மணி நேரத்திற்கும் மேலாக போராட்டம் நடத்தினார்கள்.
இதனால் அந்த பகுதியில் போக்குவரத்து பாதிப்பு ஏற்பட்டது. அனுமதி இல்லாமல் போராட்டம் நடத்தி பொதுமக்களுக்கு இடையூறு ஏற்படுத்தியதாக கிராம நிர்வாக அலுவலர்கள் 4 பேர் அளித்த புகாரின் அடிப்படையில் மேலூர் காவல் நிலையத்தில் பெரியாறு - வைகை ஒருபோக பாசன சங்கத்தலைவர் முருகன் உள்ளிட்ட 1,200 பேர் மீது 4 பிரிவுகளில் வழக்குகள் பதிவு செய்யப்பட்டுள்ளன.