அடுக்கடுக்காக சாதனையை படைத்த கேப்டன் கோலி

இந்தியா-பங்களாதேஷ் அணிகளுக்கு எதிரான டெஸ்ட் தொடரில் கேப்டனாக விராட் கோலி பல சாதனைகளை படைத்துள்ளார். 

இந்தத் தொடரில் இந்திய கேப்டனாக விராட் கோலி பல சாதனைகளை படைத்துள்ளார். இதன்மூலம் தொடர்ச்சியாக நான்கு டெஸ்ட் போட்டிகளில் இன்னிங்ஸ் வெற்றியை பெற்ற கேப்டன் என்ற சாதனையை படைத்துள்ளார். இந்திய அணி ஏற்கெனவே தென்னாப்பிரிக்க அணிக்கு எதிராக இரண்டு டெஸ்ட் போட்டிகளிலும் இன்னிங்ஸ் வெற்றியைப் பெற்று இருந்தது. அத்துடன் பங்களாதேஷ் அணியுடனான முதலாவது டெஸ்ட் போட்டியிலும் இன்னிங்ஸ் வெற்றியை பெற்று இருந்தது. 

மேலும் இன்றைய டெஸ்ட் போட்டியில் வென்றதன் மூலம் தொடர்ச்சியாக 7 டெஸ்ட் போட்டிகளை வென்ற இந்திய கேப்டன் என்ற சாதனையை படைத்துள்ளார். இதற்கு முன்பு 2013ஆம் ஆண்டு தோனி தலைமையிலான இந்திய அணி தொடர்ச்சியாக 6 டெஸ்ட் போட்டிகளில் வெற்றிப் பெற்று இருந்தது சாதனையாக இருந்தது. விராட் கோலி தலைமையிலான அணி இந்தச் சாதனையை முறியடித்துள்ளது. 

மேலும் விராட் கோலி தலைமையிலான இந்திய அணி இன்னிங்ஸ் வெற்றியை பதிவு செய்யும் 11ஆவது டெஸ்ட் போட்டி இதுவாகும். ஏற்கெனவே கடந்த பங்களாதேஷ் அணிக்கு எதிரான முதல் டெஸ்ட் போட்டியில் இன்னிங்ஸ் வெற்றிப் பெற்றதன் மூலம் அதிக இன்னிங்ஸ் வெற்றியை பெற்ற இந்திய கேப்டன் என்ற சாதனையை விராட் கோலி படைத்தார். தற்போது விராட் கோலி அந்த எண்ணிக்கையை அதிகரித்துள்ளார்.