டெல்லி - விதர்பா அணிகளுக்கு இடையிலான ரஞ்சி போட்டி பைனலில் விதர்பா அணியின் குர்பானி ஹாட்ரிக் விக்கெட் எடுத்தார்.
ரஞ்சி கோப்பைக்கான இறுதி போட்டியில் டெல்லி - விதர்பா அணிகள் மோதி வருகின்றன. இந்தூரில் நடக்கும் இந்தப் போட்டியில் ‘டாஸ்’ வென்ற விதர்பா, முதலில் பந்து வீச்சை தேர்வு செய்தது. இதையடுத்து பேட்டிங்கை தொடங்கிய டெல்லி அணி, முதல் இன்னிங்ஸில் 295 ரன்கள் எடுத்தது. அந்த அணியின் ஷோரி 145 ரன்களும் ஹிம்மத் சிங் 66 ரன்களும் எடுத்தனர். மற்றவர்கள் சொற்ப ரன்களில் ஆட்டமிழந்தனர்.
விதர்பா தரப்பில் குர்பானி தனது அபார பந்துவீச்சால், மிஸ்ரா, சைனி, கெஜ்ரோலியா ஆகியோரின் விக்கெட்டை ஹாட்ரிக்காக வீழ்த்தினார். இதையடுத்து அந்த அணி தனது முதல் இன்னிங்சை முடித்தது. இந்தப் போட்டியில் குர்பானி, ஆறு விக்கெட்டுகளை வீழ்த்தியுள்ளார்.
பின்னர் முதல் இன்னிங்சை தொடங்கிய விதர்பா அணியில் கேப்டன் பைசலும் சஞ்சய்யும் ஆடி வருகின்றனர்.