2025 ஐபிஎல் தொடரானது மெகா ஏலத்தை எதிர்நோக்கி காத்திருக்கிறது. எம்எஸ் தோனி, ரோகித் சர்மா முதலிய ஸ்டார் கேப்டன்களின் மூவ் எப்படி இருக்கப்போகிறது? எந்தவிதமான தாக்கத்தை ஏற்படுத்தப்போகிறது? என்ற காரணங்களாலேயே 2025 ஐபிஎல் தொடரானது தற்போதே மிகப்பெரிய எதிர்ப்பார்ப்பை ஏற்படுத்தியுள்ளது.
ஒவ்வொரு ஐஎபிஎல் அணிகளும் தங்களுடைய தக்கவைக்கும் வீரர்களின் பெயர் பட்டியலை சமர்ப்பிக்க அக்டோபர் 31-ம் தேதியே கடைசி என கூறப்பட்டுள்ள நிலையில், தோனி UNCAPPED PLAYER விதிமுறை மூலம் தக்கவைக்கப்படுவாரா?, ரோகித் சர்மா மும்பை இந்தியன்ஸ் அணியில் இருக்கப்போகிறாரா? அல்லது வெளியேறப்போகிறாரா? என்ற பலகேள்விகளுக்கான பதிலை ரசிகர்கள் தேடிவருகின்றனர்.
இந்நிலையில் ரோகித் சர்மா குறித்து பேசியிருக்கும் முன்னாள் மும்பை இந்தியன்ஸ் கேப்டன் ஹர்பஜன் சிங், மும்பை அணி ரோகித்தை வெளியேற்றிவிட்டால் ஏலத்தில் பிட்டிங்-போரே நடைபெறும் என தெரிவித்துள்ளார்.
ஐபிஎல் என்ற மிகப்பெரிய கிரிக்கெட் லீக்கில் 5 கோப்பைகளை வென்ற முதல் அணியாக மும்பை இந்தியன்ஸ் அணிக்கு பெருமை சேர்த்த கேப்டன் என்றால் அது ரோகித் சர்மா மட்டுமே. ரோகித் சர்மா கேப்டனாக பொறுப்பேற்கும் வரை மும்பை இந்தியன்ஸ் அணி ஒருமுறை கூட ஐபிஎல் கோப்பையை வென்றதில்லை. ஆனால் தற்போது அவர்களிடம் 5 கோப்பைகள் இருக்கின்றன. அவை அனைத்தும் ரோகித் சர்மாவின் கேப்டன்ஸியால் வந்தவை தான்.
அப்படி ஒரு வெற்றிகரமான கேப்டனான ரோகித்சர்மாவை கேப்டன் பொறுப்பிலிருந்து வெளியேற்றிய மும்பை இந்தியன்ஸ் அணி, புதிய கேப்டனாக ஹர்திக் பாண்டியாவை நியமித்தது.
இந்நிலையில் ரோகித் சர்மா மும்பை இந்தியன்ஸ் அணியிலிருந்து வெளியேறி வேறொரு அணிக்கு செல்வார் என கூறப்படும் நிலையில், முன்னாள் மும்பை இந்தியன்ஸ் அணியின் முன்னாள் கேப்டனான ஹர்பஜன் சிங் இதுகுறித்து பேசியுள்ளார்.
ரோகித் குறித்து பேசியிருக்கும் ஹர்பஜன், “ரோகித் சர்மா மும்பை இந்தியன்ஸ் அணியால் தக்கவைக்கப்படுவாரா? இல்லையா? என்பதைப் பார்ப்பது சுவாரஸ்யமாக இருக்கும். ஒருவேளை ரோகித் சர்மா ஏலத்திற்குள் சென்றால், அனைத்து அணிகளும் அவரை அணிக்குள் கொண்டுவர போட்டிப்போடும். அப்படி எந்த அணி அவரை அணிக்குள் தக்கவைக்கப்போகிறது என்பதை பார்ப்பதற்கும் சுவாரஸ்யமாக இருக்கும். நிச்சயம் ரோகித் சர்மா ஏலத்தில் மிகப்பெரிய தொகைக்கு செல்வார்” என்று ஹர்பஜன் பேசியுள்ளார்.
மேலும் ரோகித்தை பாராட்டிய அவர், “ரோகித் சர்மா ஒரு தரமான வீரர் மட்டுமில்லாமல் தரமான கேப்டனும் ஆவார். மேட்ச் வின்னராக போட்டியையே திருப்பக்கூடியவர். 37 வயதாகியும், அவரிடம் இன்னும் நிறைய கிரிக்கெட் மீதமுள்ளது” என்று அவர் மேலும் கூறினார்.
டி20 கிரிக்கெட்டிலிருந்து ஓய்வுபெற்றிருக்கும் ரோகித் சர்மாவை, மீண்டும் டி20 வடிவத்தில் பார்க்க ரசிகர்கள் ஆவலாக உள்ளனர்.