இந்திய கிரிக்கெட் அணியின் முன்னாள் அதிரடி பேட்ஸ்மேன் சேவாக் ‘Viru ki Baithak' என்ற வீடியோ நிகழ்ச்சி மூலம் நடப்பு ஐபிஎல் சீசனில் சொதப்பும் வீரர்களை செமையாக கலாய்த்து வருகிறார்.
ஒவ்வொரு போட்டிக்கு பிறகும் போஸ்ட் மேட்ச் அனாலிசிஸ் என அதில் அனல் பறக்கும் கமெண்டுகளை அள்ளி தெளித்து வருகிறார் ச்ஏவாக்.
இந்நிலையில் அவரது அண்மைய வீடியோ ஒன்று பலத்த சர்ச்சைகளை எழுப்பியுள்ளது.
சென்னை மற்றும் மும்பை அணிகளுக்கு இடையிலான ஆட்டம் முடிந்த பிறகு மும்பையின் கேப்டன் ரோகித் ஷர்மாவை வடா பாவ் என தனது நிகழ்ச்சியில் விமர்சித்துள்ளார் ஷேவாக்.
ரோகித்தின் ஃபிட்னஸை குறிவைத்து அந்த கமெண்டை ஷேவாக் சொல்லியுள்ளதாக தெரிகிறது.
“ரோகித் ஷர்மா இந்த ஆட்டத்தில் விளையாடவில்லை. அதனால் என்ன வடா பாவ் இல்லை என்றால் என்ன? அதற்கு மாற்றாக தான் சமோசா பாவ் இருக்கிறதே. நான் சவுரப் திவாரியை சொல்கிறேன். ஏன் என்பதை நீங்களே அறிவீர்கள்” என ஷேவாக் சொல்லியுள்ளார்.
மும்பை அணியில் காயம் காரணமாக ரோகித் விளையாடாமல் உள்ள நிலையில் அவருக்கு மாற்றாக அணியில் இடம் பிடித்திருப்பவர் சவுரப் திவாரி என்பதும் குறிப்பிடத்தக்கது.
சேவாக்கின் இந்த வடா பாவ் கமெண்ட் சமூக வலைத்தளங்களில் ரசிகர்களை ஆவேசமடையை செய்துள்ளது.
அதனால் ரசிகர்கள் தொடர்ந்து சேவாக்கை சாடி வருகின்றனர்.