தேசிய பேட்மிண்டன்: பிவி.சிந்துவை வீழ்த்திய சாய்னா சாம்பியன்

தேசிய சீனியர் பேட்மிண்டன் சாம்பியன்ஷிப் போட்டியில் பிவி.சிந்துவை வீழ்த்தி சாய்னா நேவால் பட்டத்தை வென்றார்.

தேசிய சாம்பியன்ஷிப் பேட்மிண்டன் போட்டி நாக்பூரில் நடைபெற்று வருகிறது. பெண்களுக்கான ஒற்றையர் பிரிவில் சக வீரர் பிவி சிந்து உடன் சாய்னா நேவால் மோதினார். இரண்டு முன்னணி வீராங்கனைகள் மோதிய போட்டி என்பதால் எதிர்பார்ப்பு அதிக அளவில் இருந்தது. சுமார் 54 நிமிடங்கள் மிகவும் விறுவிறுப்பாக நடைபெற்ற இந்தப் போட்டியில் சாய்னா நேவால் 21-17, 27-25 என்ற நேர் செட்டில் பி.வி.சிந்துவை வீழ்த்தினார். 

சாய்னா நேவால் தேசிய பேட்மிண்டன் சாம்பியன்ஷிப் பட்டத்தை மூன்றாவது முறையாக வென்றார். பிவி சிந்துவை வீழ்த்தி வெற்றி பெற்றதற்கு, பயிற்சியாளர் புல்லலா கோபிசந்திற்கு சாய்னா நன்றி தெரிவித்தார்.