ஒரே உலகக் கோப்பை தொடரில் 5 சதங்கள் விளாசிய வீரர் என்ற உலக சாதனையை ரோகித் சர்மா படைத்துள்ளார்.
உலகக் கோப்பை தொடரில் இந்தியா - இலங்கை அணிகளுக்கு இடையிலான போட்டி லீட்ஸ் மைதானத்தில் நடைபெற்று வருகிறது. இதில் டாஸ் வென்ற இலங்கை அணி முதலில் பேட்டிங் செய்ய தீர்மானித்தது. முதலில் பேட்டிங் செய்த இலங்கை அணி 7 விக்கெட் இழப்புக்கு 364 ரன்கள் எடுத்தது. அந்த அணியில் மேத்யூஸ் 113 ரன்கள் எடுத்தார். இந்திய அணியில் பும்ரா 3 விக்கெட் சாய்த்தார்.
பின்னர், 265 ரன்கள் என்ற இலக்கை நோக்கி இந்திய அணி விளையாடி வருகிறது. ரோகித் சர்மாவும், கே.எல்.ராகுலும் சிறப்பாக விளையாடினர். ரோகித் சர்மா 92 பந்துகளில் சதம் விளாசினார். இந்த உலகக் கோப்பை தொடரில் இது அவருக்கு 5 ஆவது சதம். இதன் மூலம் ஒரே உலகக் கோப்பை தொடரில் அதிக சதம் விளாசிய வீரர் என்ற உலக சாதனையை படைத்துள்ளார். இதற்கு முன்பு இலங்கை வீரர் சங்ககாரா 4 சதங்கள் அடித்ததே சாதனையாக இருந்தது.