இந்திய அணிக்குக் கைகொடுக்குமா ஜடேஜா ராசி?

டெஸ்ட் போட்டிகளில் ஆல்ரவுண்டர் ஜடேஜா அரைசதம் அடித்த எந்த போட்டியிலும் இந்திய அணி தோற்றதில்லை.

ஆஸ்திரேலிய அணிக்கெதிரான நான்காவது டெஸ்ட் போட்டியின் மூன்றாம் நாள் ஆட்டநேர முடிவில் இந்திய அணி விக்கெட் இழப்பின்றி 19 ரன்கள் எடுத்துள்ளது. ராகுல் 13 ரன்களுடனும், விஜய் 6 ரன்களுடனும் களத்தில் உள்ளனர். பத்து விக்கெட்டுகள் மீதமுள்ள நிலையில் தொடரையும், போட்டியையும் வெல்ல இந்திய அணிக்கு 87 ரன்கள் மட்டுமே தேவை. இந்த போட்டியில் ஆல்ரவுண்டராக ஜொலித்த ரவீந்திர ஜடேஜா, 63 ரன்கள் குவித்ததுடன், இரண்டாவது இன்னிங்ஸில் 3 விக்கெட்டுகளையும் சாய்த்தார். டெஸ்ட் போட்டிகளில் ஜடேஜா இதுவரை 7 அரைசதங்களை அடித்துள்ளார். அவற்றில் 5 போட்டிகளில் இந்திய அணி வெற்றிபெற்றது, மீதமுள்ள ஒரு போட்டி சமனில் முடிந்தது.