பாராலிம்பிக்ஸ் | தொடர்ந்து இரண்டாவது முறை வெள்ளி வென்ற இந்தியாவின் சுஹாஸ் யதிராஜ்!

பாரிஸ் பாராலிம்பிக்ஸின் 5வது நாளில், எஸ்.எல் 4ஆடவர் பாட்மிண்டன் ஒற்றையர் பிரிவு இறுதி போட்டி நடைபெற்றது. இதில், இந்தியாவின் சுஹாஸ் யதிராஜூம், பிரான்ஸின் லூகாஸூம் மோதினர். இந்த போட்டியில் 21 -9, 21 -13 என்ற நேர் செட்களில், லூகாஸ் வெற்றி பெற்றார். இதன்மூலம் பாராலிம்பிக்ஸ் பாட்மிண்டனில், சுஹாஸ் யதிராஜ் தொடர்ந்து இரண்டாவது முறையாக வெள்ளி வென்றுள்ளார்.

அதேபோல், வில்வித்தை கலப்பு அணி காம்பவுண்ட் பிரிவில், வெண்கல பதக்கத்திற்கான போட்டி நடைபெற்றது. இதில், இந்தியாவின் ஷீத்தல் தேவி - ராகேஷ் குமார் இணை, இத்தாலியின் சர்தி எலியோனோரா - பொனாசினா மேட்டியோ இணையுடன் மோதியது.

முடிவில் இந்திய இணை 156 - 155 என்ற புள்ளி கணக்கில் வெற்றி பெற்று, வெண்கலத்தை கைப்பற்றியது. தற்போது இந்தியா 3 தங்கம், 5 வெள்ளி, 7 வெண்கலம் என 15 பதக்கங்களோடு, பதக்க பட்டியலில் 15வது இடத்திலுள்ளது.