தைமுடன் தத்தத்தை.. பிரெஞ்சு ஓபனில் ஜோகோவிச் அதிர்ச்சி தோல்வி!

பிரெஞ்சு ஓபன் டென்னிஸ் தொடரின் காலிறுதிப் போட்டியில் நடப்பு சாம்பியனான ஜோகோவிச், ஆஸ்திரிய வீரர் டொமினிக் தைமிடம் 7-6, 6-3, 6-0 என்ற நேர் செட்களில் தோல்வியடைந்து தொடரிலிருந்து வெளியேறினார். 

போட்டியின் தொடக்கம் முதலே ஆதிக்கம் செலுத்திய டொமினிக் தைமுக்கு முதல் செட்டில் மட்டுமே ஜோகோவிச் நெருக்கடி கொடுத்தார். டை பிரேக்கர் வரை சென்ற அந்த செட்டை டொமினிக் தைம், 7-6 என்ற கணக்கில் கைப்பற்றினார். இரண்டாவது செட்டில் ஆதிக்கம் செலுத்திய தைம், 6-3 என்ற கணக்கில் வென்றார். இதையடுத்து நடந்த 3ஆவது செட்டில் ஜோகோவிச் எந்தவிதமான எதிர்ப்பும் கொடுக்காமல் பணிய 3ஆவது செட்டை 6-0 என்ற கணக்கில் வென்ற தைம், போட்டியை 7-6, 6-3, 6-0 என்ற நேர் செட்களில் வெற்றியை வசமாக்கினார். களிமண் களத்தின் ராஜா என்றழைக்கப்படும் ரபேல் நாடாலை பிரெஞ்சு ஓபன் தொடரின் காலிறுதியில் வீழ்த்திய டொமினிக் தைம், பிரெஞ்சு ஓபன் அரையிறுதியில் நாடாலுடன் மீண்டும் மோதுகிறார்.