கொரோனா அச்சுறுத்தலுக்கு மத்தியில் துபாயில் ஆரம்பமாக உள்ள ஐ.பி.எல் தொடரின் தொடக்க விழாவில் பி.சி.சி.ஐ மாநில பிரிவு உறுப்பினர்கள் யாருக்கும் அழைப்பில்லை என தெரிவித்துள்ளார் பி.சி.சி.ஐ செயலாளர் ஜெய் ஷா.
பி.சி.சி.ஐ -யின் மாநில பிரிவுகளின் பிரதிநிதிகளுக்கு அவர் அனுப்பியுள்ள கடிதத்தில் இது குறிப்பிடப்பட்டுள்ளது.
‘ஐ.பி.எல் தொடக்க விழா மற்றும் பிளே-ஆஃப் போட்டிகளுக்கு உறுப்பினர் சங்கங்களிலிருந்து பிரதிநிதிகளை அழைப்பது பி.சி.சி.ஐ -யின் வழக்கமான நடைமுறையாகும். ஆனால் கொரோனா தொற்றுநோயால் கடுமையான கட்டுப்பாடுகள் இந்த ஆண்டு அமல்படுத்தப்பட்டுள்ளதால் அதை செய்ய முடியவில்லை.
பி.சி.சி.ஐ -யின் வலிமை அதன் உறுப்பினர்களிடம் தான் உள்ளது, மேலும் கொள்கை அடிப்படையில் பொதுக்குழுவின் ஒப்புதலின் பேரில் மட்டுமே இந்த முடிவை எடுத்துள்ளோம்’ என கடிதத்தில் ஜெய் ஷா தெரிவித்துள்ளார்.