உக்ரைன் மீதான தாக்குதல்: பெலாரஸ் எல்லையில் காத்திருக்கும் ரஷ்ய படைகள்

உக்ரைன் எல்லை அருகே, பெலாரசில் ஹெலிகாப்டர்கள் மற்றும் பெருமளவிலான படைகளை ரஷ்யா குவித்திருப்பது செயற்கைக்கோள் புகைப்படங்கள் மூலம் தெரியவந்துள்ளது.

அமெரிக்க தனியார் நிறுவனம் ஒன்று வெளியிட்ட செயற்கைக்கோள் புகைப்படங்களின்படி, உக்ரைனின் எல்லைக்கு அருகில், பெலாரசின் தெற்குப்பகுதியில், சாலை நெடுகிலும் சுமார் 5 மைல் தொலைவுக்கு ஹெலிகாப்டர்கள் நிறுத்தப்பட்டுள்ளன. மேலும் வெவ்வேறு பகுதிகளில் நூற்றுக்கணக்கிலான ராணுவ வாகனங்கள் நிலை நிறுத்தப்பட்டுள்ளன. உக்ரைனில் இருந்து 20 கிலோமீட்டர் தொலைவில் படைகளும், ஹெலிகாப்டர்களும் நிறுத்தப்பட்டுள்ளதால் தாக்குதல் தீவிரப்படுத்தப்படும் என்று கருதப்படுகிறது.