ஹரியானா மற்றும் ஜம்மு காஷ்மீர் சட்டப்பேரவைத்தேர்தல்களில் பதிவான வாக்குகள் இன்று எண்ணப்படுகின்றன. இதற்காக விரிவான ஏற்பாடுகள் செய்யப்பட்டுள்ளன.
ஜம்மு காஷ்மீரில் 5 எம்.எல்.ஏக்களை நியமிக்க துணை நிலை ஆளுநருக்கு உள்ள அதிகாரத்திற்கு எதிர்ப்பு தெரிவித்து, நீதிமன்றத்தை நாடவுள்ளதாக எதிர்க்கட்சிகள் அறிவிப்பு.
தொழிலாளர்களின் 14 கோரிக்கைகளை நிறைவேற்றுவதாக சாம்சங் நிறுவனம் உறுதி அளித்துள்ளதாக அமைச்சர் தா. மோ. அன்பரசன் பேட்டியளித்துள்ளார்.இந்நிலையில், அரசின் வேண்டுகோளை ஏற்று தொழிலாளர்கள் அனைவரும் பணிக்கு திரும்ப வேண்டும் என அமைச்சர் அழைப்பு விடுத்துள்ளார்.
சாம்சங் நிறுவனத்தின் வாக்குறுதிகள் போராட்டத்தை திசை திருப்பும் செயல் என கண்டனம் தெரிவித்த சிஐடியு தொழிற்சங்கம் போராட்டம் தொடரும் என அறிவிப்பு .
அரபிக்கடலில் நாளை காற்றழுத்தத் தாழ்வுப்பகுதி உருவாக வாய்ப்பு எனவும், வடகிழக்குப் பருவமழை தொடங்குவதற்கான சாதக சூழலை ஏற்படுத்தும் எனவும் கணிப்பு.
நெல்லை, கோவை மாவட்ட மலைப்பகுதிகளில் ஓரிரு இடங்களில் இன்று கனமழைக்கு வாய்ப்ப.மேலும், நீலகிரி, திருப்பூர், தேனி உட்பட 8 மாவட்டங்களிலும் கனமழை பெய்யக்கூடும் எனக் கணிப்பு.
நீர்வரத்து அதிகரிப்பால் மஞ்சளார் அணையிலிருந்து 200 கன அடி உபரி நீர் திறக்கப்பட்டுள்ளதால், தேனி, திண்டுக்கல் மாவட்டங்களில் கரையோர மக்களுக்கு வெள்ள அபாய எச்சரிக்கை விடப்பட்டுள்ளது.
சென்னை கதீட்ரல் சாலையில் 25 கோடி செலவில் ஆறு ஏக்கரில் அமைக்கப்பட்ட கலைஞர் நூற்றாண்டு பூங்காவைத் திறந்துவைத்தார் முதலமைச்சர் மு.க. ஸ்டாலின்.
சென்னை கிண்டி ரேஸ் கிளப் நிலத்தில் புதிதாக 4 குளங்களை வெட்டும் பணி தொடக்கம். மேலும்,மழைநீரை சேமிக்கும் வகையில் சென்னை மாநகராட்சி நடவடிக்கை.
ஆம்ஸ்ட்ராங் கொலை வழக்கில் தலைமறைவாக இருந்து வரும் ரவுடி சம்போ செந்திலை பிடிக்க துபாய் விரைகிறது சென்னை காவல் துறை.
'ரவுடிகளுக்கு அவர்கள் மொழியில் பாடம் கற்பிக்கப்படும்' என்பதன் அர்த்தம் என்ன? என்று சென்னை மாநகர காவல் ஆணையர் நேரில் ஆஜராகி விளக்கமளிக்க மாநில மனித உரிமைகள் ஆணையம் உத்தரவு.
ராமேஸ்வரத்தில் மனைவியை சுத்தியால் அடித்துக் கொன்ற கணவனை காவல்துறையினர் கண் முன்னே தாக்கிய கிராம மக்கள்.
காரைக்குடியில் நண்பர்களுடன் சேர்ந்து அண்ணனை வெட்டிய தம்பி.இந்நிலையில், பட்டாக்கத்தியை பறித்துக்கொண்டு மருத்துவமனைக்கு வந்த அண்ணன்.
கர்நாடகாவில் அமைச்சரவையில் மாற்றங்கள் செய்யப்பட வாய்ப்பு. மேலும், அமைச்சர்களின் செயல்பாடு குறித்து காங்கிரஸ் மேலிடம் அறிக்கை கேட்டதாக தகவல்.
இஸ்ரேலின் பாதுகாப்புக்காக ஈரானில் எதிர்த்தாக்குதல் நடத்துவது அவசியம் என்று, இஸ்ரேல் மீதான ஹமாஸ் தாக்குதலின் ஓராண்டையொட்டி நெதன்யாகு பேச்சு.
2024 ஆம் ஆண்டுக்கான மருத்துவத்துக்கான நோபல் பரிசு மைக்ரோ ஆர்என்ஏவை கண்டறிந்ததற்காக விக்டர் அம்ப்ரோஸ், கேரி ருவ்குன் ஆகியோருக்கு கூட்டாக அறிவிப்பு
மகளிர் டி20 உலகக் கோப்பை லீக் ஆட்டத்தில் இங்கிலாந்து அணிக்கு இரண்டாவது வெற்றி. தென்னாப்பிரிக்காவை 7 விக்கெட் வித்தியாசத்தில் வீழ்த்தியது.