ஜனநாயகமும், தொழில்நுட்பமும் மனிதகுலத்தின் நலனை உறுதிசெய்யமுடியும் என செமிகண்டக்டர் தொழில்முனைவோருடனான சந்திப்பின் போது பிரதமர் மோடி பேச்சு.
அமெரிக்காவில் எம்.பிக்கள் மற்றும் பைடன் அரசின் அதிகாரிகளுடன் ராகுல் காந்தி சந்திப்பு. இந்நிலையில், “இட ஒதுக்கீடு 50%-க்கு மேல் அதிகரிக்கப்படவேண்டும்” என்பதே காங்கிரஸ் கட்சியின் நிலைப்பாடு என பேட்டி.
தேசிய கல்விக் கொள்கையில் ஏற்றுக்கொள்ளக்கூடிய பல அம்சங்களை தமிழக அரசு செயல்படுத்திவருவதாக அமைச்சர் அன்பில் மகேஸ் பதிவு. இந்நிலையில், நிபந்தனைகளின்றி சமக்ரா சிக்ஷா நிதியை உடனடியாக வழங்க மத்திய அரசுக்குவலியுறுத்தல்.
அரசே மதுபான கடையை திறந்துவைத்துக்கொண்டு இறப்புக்கு இழப்பீடு வழங்குவதை நியாயப்படுத்த முடியாது என விடுதலை சிறுத்தைகள் கட்சித் தலைவர் திருமாவளவன் விமர்சனம்.
விசிக நடத்தும் மது ஒழிப்பு மாநாட்டில் அதிமுகவும் பங்கேற்கலாம் என திருமாவளவன் அழைப்பால் தமிழக அரசியலில் சலசலப்பு.
திருமாவளவன் அழைப்பு குறித்து கட்சி தலைமையே முடிவு செய்யும் என அதிமுக முன்னாள் அமைச்சர் ஜெயக்குமார் பேட்டி.
மாநாட்டில் பங்கேற்பது அதிமுகவின் விருப்பம் என செய்தியாளர் கேள்விக்கு அமைச்சர் உதயநிதி ஸ்டாலின் பதில்.
திருமாவளவன் திமுகவை எதிர்க்கவில்லை என அமைச்சர் முத்துசாமி கருத்து. மேலும், முதலமைச்சரை விட்டு போகமாட்டார் என அமைச்சர் ரகுபதி நம்பிக்கை.
வணிகர் சங்க பேரவைத் தலைவர் வெள்ளையன் உடல்நலக்குறைவால் காலமானார். இவருக்கு, முதலமைச்சர் மு.க. ஸ்டாலின், எதிர்க்கட்சித்தலைவர் எடப்பாடி பழனிசாமி உள்ளிட்ட தலைவர்கள் இரங்கல்.
பணிக்குத்திரும்ப வேண்டும் என்ற உச்சநீதிமன்ற அறிவுறுத்தலை நிராகரித்த கொல்கத்தா மருத்துவர்கள். இந்நிலையில் கோரிக்கைகள் நிறைவேறும் வரை போராட்டம் தொடரும் என அறிவிப்பு.
மணிப்பூரில் முதலமைச்சர் மற்றும் ஆளுநரை கண்டித்து மாணவர்கள் போராட்டம் தீவிரம். காவல்துறையினர் கண்ணீர் புகை குண்டு வீச்சு. இந்நிலையில், ஐந்து நாட்களுக்கு இணையதள சேவை முடக்கம்.
அமெரிக்க அதிபர் தேர்தலில் கமலா ஹாரீஸ், டொனால்ட் ட்ரம் முதல் முறையாக நேரடி விவாதம். இந்நிலையில், போட்டியிலிருந்து விலகிய ஜோ பைடனை விட கமலா சிறப்பாக செயல்படுவாரா? என எதிர்பார்ப்பு.