சென்னையில் இரு அரசுப் பள்ளிகளில் சர்ச்சைக்குரிய வகையில் பேசிய பேச்சாளரை கேள்வி கேட்ட மாற்றுத்திறனாளி ஆசிரியரை தவறாக பேசியதாலும் பிரச்னை.
பிற்போக்குத்தனமான பேச்சுக்கு எதிர்ப்பு தெரிவித்த மாற்றுத்திறனாளி ஆசிரியருக்கு அமைச்சர் அன்பில் மகேஷ் பாராட்டு. மேலும், ஆசிரியரை அவமரியாதை செய்த பேச்சாளரை சும்மா விட மாட்டேன் என்றும் எச்சரிக்கை.
சர்ச்சைக்குரிய பேச்சாளர் மஹா விஷ்ணு ஆஸ்திரேலியாவில் இருந்து இன்று சென்னை திரும்புவதாக அறிவிப்பு. , அமைச்சர் அன்பில் மகேஸிடம் விளக்கம் அளிப்பேன் என்றும் வீடியோ வெளியிட்டு பேச்சு.
நாடு முழுவதும் இன்று விநாயகர் சதுர்த்தி விழா கொண்டாட்டத்தின் காரணமாக, கோயில்களில் சிறப்பு பூஜைகளுக்கு ஏற்பாடு செய்யப்பட்டுள்ளது.
விஜய் தலைமையில் நடைபெறும் தமிழக வெற்றிக் கழகத்தின் மாநாட்டில் 50 ஆயிரம் இருக்கைகள், 1000 பேருந்துகள், 300 வேன்கள், 1000 இரு சக்கர வாகனங்கள் வரும் என பதில் மனுவில் தகவல் வெளியாகியுள்ளது.
விஜயின் GOAT திரைப்படம் உலகம் முழுவதும் முதல் நாளில் 126 கோடி ரூபாய் வசூல் என பட;த் தயாரிப்பு நிறுவனம் அதிகாரப்பூர்வ தகவலை வெளியிட்டுள்ளது.
ஹரியானா சட்டப்பேரவை தேர்தலில் காங்கிரஸ் வேட்பாளராக களம் காண்கிறார் மல்யுத்த வீராங்கனை வினேஷ் போகட். கட்சியில் இணைந்த சில மணி நேரத்திலேயே வெளியான அறிவிப்பு.மேலும், பஜ்ரங் புனியாவுக்கும் முக்கிய பதவி ஒதுக்கீடு.
மதுரை புத்தகத் திருவிழாவில் பக்தி பாடலுக்கு பள்ளி மாணவிகள் சாமியாடியதால் பரபரப்பு ஏற்பட்டது. சமூகவலைதளங்களில் வெளியான வீடியோவால் பொதுமக்கள் அதிர்ச்சியடைந்துள்ளனர்.
கும்பகோணத்தில் உணவகத்தில் சிலிண்டர் வெடித்து சிதறியதால் பயங்கர தீ விபத்து ஏற்பட்டு மக்கள் அப்பகுதியை விட்டு அலறி ஓடினர்.
சென்னை பெருங்களத்தூரில் வாரவிடுமுறையையொட்டி பலர் சொந்த ஊருக்கு புறப்பட்டதால் கடும் போக்குவரத்து நெரிசல் ஏற்பட்டது.
மாணவி வன்கொடுமை செய்யப்பட்ட வழக்கில், கிருஷ்ணகிரி பள்ளியில் போலி முகாம் நடத்த உடந்தையாக இருந்த என்சிசி அலுவலர் கைது செய்யப்பட்டுள்ளார்.
சென்னை மணலிபுதுநகர் அருகே குழாய் உடைப்பால் எரிவாயு கசிவு. வான்நோக்கி புழுதி பறக்க எரிவாயு வெளியேறியதால் மக்கள் அச்சமடைந்தனர்.
பாராலிம்பிக் உயரம் தாண்டுதல் போட்டியில் இந்திய வீரர் பிரவீன்குமார் தங்கம் வென்று அசத்தல். குண்டு எறிதல் போட்டியிலும் வெண்கலம் கிடைக்க, பதக்கங்களின் எண்ணிக்கை 27ஆக உயர்வு.