அமெரிக்கா சென்றடைந்தார் முதலமைச்சர் மு.க.ஸ்டாலின். இந்நிலையில், சான்பிரான்சிஸ்கோவில் பூங்கொத்து கொடுத்து அமைச்சர் டி.ஆர்.பி. ராஜா உள்ளிட்டோர் முதலமைச்சரை வரவேற்றனர்.
கண்கவர் கலைநிகழ்ச்சிகளுடன் கோலாகலமாக தொடங்கியது பாராலிம்பிக் விளையாட்டு திருவிழா. முதல் நாள் நடைபெறும் பல்வேறு போட்டிகளில் தமிழக வீரர், வீராங்கனைகள் பங்கேற்றனர்.
பாராலிம்பிக்கில் பங்கேற்கும் வீரர், வீராங்கனைகளுக்கு பிரதமர் மோடி வாழ்த்து தெரிவித்துள்ளார். இந்தவகையில், ஒவ்வொரு விளையாட்டு வீரரின் தைரியமும், உறுதியும் தேசத்தின் உத்வேகத்திற்கு ஆதாரமாக உள்ளதாக புகழாரம் சூட்டியுள்ளார்.
சென்னையில் நடைபெற உள்ள ஃபார்முலா 4 கார் பந்தயத்திற்கான அட்டவணை மற்றும் விதிமுறைகள் வெளியீடு. அதன்படி, பார்வையாளர்கள், கூர்மையான பொருட்கள், லேசர் லைட்டுகள், செல்லப்பிராணிகள், பாட்டில்கள் எடுத்துவர தடை.
ஸ்ரீவைகுண்டம் அணைக்கட்டு ஷட்டரில் துளை விழுந்து வீணாகும் தாமிரபரணி நீர்... போர்கால அடிப்படையில் சீரமைப்பு பணி மேற்கொள்ள விவசாயிகள் வலியுறுத்தல்.
தென்காசி: சரக்கு ஆட்டோ விபத்தில் உயிரிழந்த மூன்று விவசாய தொழிலாளர்களின் குடும்பத்திற்கு முதலமைச்சர் இரங்கல் தெரிவித்துள்ளார். உயிரிழந்தவர்களின் குடும்பத்தினருக்கு, தலா இரண்டு லட்சம் ரூபாய் நிதியுதவி வழங்கப்படும் என அறிவித்துள்ளார்.
ஜார்க்கண்ட் முக்தி மோர்ச்சா கட்சியில் இருந்து அதிகாரப்பூர்வமாக விலகினார் சம்பாய் சோரன். நாளை தனது ஆதரவாளர்களுடன் பாஜகவில் இணைய திட்டம்.
டெல்லியில் பேருந்து ஓட்டுநர்கள், நடத்துநர்களின் குறைகளை கேட்டறிந்த ராகுல்காந்தி. சரோஜினி நகர் பேருந்து பணிமனைக்கு நேரில் சென்றநிலையில், புகைப்படங்களை எக்ஸ் தளத்தில் பகிர்ந்துள்ளது காங்கிரஸ் .
கோவை தனியார் உணவகத்தில் 6 பிரியாணி சாப்பிட்டால் ஒரு லட்சம் ரூபாய் பரிசு என்ற சலுகையால் குவிந்த மக்கள். பிரியாணி பிரியர்களின் கூட்டம் அலைமோதியதால் போக்குவரத்தில் பாதிப்பு ஏற்பட்டது.
வாழை பட கதையை 10 ஆண்டுகளுக்கு முன்பே சிறுகதையாக எழுதிவிட்டதாக எழுத்தாளர் சோ.தர்மன் பேட்டி. சோ.தர்மனின் 'வாழையடி' சிறுகதையை அவசியம் அனைவரும் வாசியுங்கள் என இயக்குநர் மாரி செல்வராஜ் முகநூலில் பதிவு.
ஐசிசி தலைவராக தேர்ந்தெடுக்கப்பட்டுள்ள ஜெய்ஷாவை விமர்சித்து நடிகர் பிரகாஷ் ராஜ் எக்ஸ் தளத்தில் பதிவு. ஜெய்ஷா ஒரு சிறந்த பேட்ஸ்மேன், பந்துவீச்சாளர், விக்கெட் கீப்பர் என கிண்டல்.