போலந்தில் இந்திய வம்சாவளியினர் முன்பு உரையாற்றிய பிரதமர் மோடி , எந்த நாட்டில் பிரச்னை என்றாலும் முதலில் உதவிக்கரம் நீட்டும் நாடு இந்தியாதான் என பெருமிதம் தெரிவித்தார்.
3 ஆண்டுகளில் 31 லட்சம் பேருக்கு வேலை கிடைத்துள்ளதாக தமிழ்நாடு முதலீட்டாளர் மாநாட்டில் முதலமைச்சர் தகவல். மேலும்,சென்னையில் மட்டுமல்ல பல்வேறு மாவட்டங்களிலும் முதலீடுகள் பரவலாக்கப்படும் என்றும் உறுதி.
சென்னை பனையூரில் இன்று கட்சிக்கொடியை அறிமுகம் செய்கிறார் நடிகர் விஜய். நாடெங்கும் கொடி பறக்கும், தமிழ்நாடு இனி சிறக்கும் என அறிக்கை வெளியிட்டுள்ளார்.
நிதி முறைகேடுகளுடன் தொடர்புடைய வெளிநாட்டு நிறுவனங்களில், செபி தலைவர் பங்குகள் வைத்திருந்ததாக குற்றச்சாட்டு முன்வைக்கப்பட்டுள்ளது. ஆகவே, ஹிண்டன்பெர்க் அறிக்கை அடிப்படையில் நாடாளுமன்ற கூட்டுக்குழு விசாரணை நடத்தக்கோரி காங்கிரஸ் இன்று போராட்டம் மேற்கொள்ளவுள்ளது.
திமுக துணையோடு மலையேற முடியும் என அண்ணாமலை நினைப்பதாக முன்னாள் அமைச்சர் ஜெயக்குமார் விமர்சனம். இதற்கு, அதிமுகவினர் தங்களை பார்த்து, தாங்களே பரிதாபப்படும் நிலையில் இருப்பதாக அண்ணாமலை பதில்.
ஆம்ஸ்ட்ராங் கொலை வழக்கில் தொடர்புடைய மொட்டை கிருஷ்ணனுக்கு எந்த பண உதவியும் வழங்கவில்லை என்றும், ஆதாரமற்ற தகவல்கள் வெளியிடப்படுவதாகவும் திரைப்பட இயக்குநர் நெல்சனின் மனைவி மோனிஷா விளக்கமளித்துள்ளார்.
வாணியம்பாடியில் கோயில் திருவிழாவின்போது ஏற்பட்ட தகராறில் இளைஞர் குத்திக்கொலை. இந்நிலையில், குற்றவாளிகளை கைது செய்யக்கோரி வாகனங்கள் அடித்து நொறுக்கப்பட்டதால் பதற்றம் ஏற்பட்டது.
திருவண்ணாமலை மாவட்டம் ஜவ்வாது மலைப்பகுதியில் திடீர் காட்டாற்று வெள்ளத்தில் சிக்கி இரண்டு சிறுவர்கள் உயிரிழப்பு. சகோதரர்களின் மரணத்தால் சோகத்தில் மூழ்கியது கிராமம்.
ஆந்திராவில் தாழ்வாக சென்ற மின்வயரில் இருந்து மின்சாரம் பாய்ந்து சிறுவன் உயிரிழப்பு. மேலும், உடல் முழுவதும் தீக்காயமடைந்த மற்றொரு சிறுவனுக்கு தீவிர சிகிச்சை அளிக்கப்பட்டு வருகிறது.
விழுப்புரம் மாவட்டம் மரக்காணம் மின்வாரிய அலுவலக வளாகத்தில் பொதுமக்கள் படுத்துறங்கி, இரவு நேர மின்வெட்டைக் கண்டித்து நூதன முறையில் போராட்டம் மேற்கொண்டுள்ளனர்.
குற்றாலம் பேரருவியில் திடீரென உருண்டு வந்த பாறாங்கற்கள் குளித்துக் கொண்டிருந்தவர்கள் மீது விழுந்ததில் 5 பேர் காயம் அடைந்துள்ளனர்.
மேட்டுப்பாளையம் அருகே அரசுப்பள்ளியில் 9 மாணவிகளுக்கு பாலியல் தொல்லை கொடுத்ததாக புகார். இந்நிலையில், ஆசிரியரை கைது செய்து காவல்துறை விசாரணை மேற்கொண்டு வருகின்றது.
கொல்கத்தாவில் பயிற்சி பெண் மருத்துவர் கொலைக்கு நீதி வேண்டி, மெழுகுவர்த்தி ஏற்றி நடைபெற்ற போராட்டத்தில் முன்னாள் கிரிக்கெட் வீரர் கங்குலி பங்கேற்பு.
மும்பை சித்தி விநாயகர் கோயிலுக்கு டி20 கிரிக்கெட் உலகக்கோப்பையை ஏந்திச் சென்ற ரோகித் ஷர்மா, பிசிசிஐ செயலாளர் ஜெய் ஷாவுடன் இணைந்து வழிபாடு மேற்கொண்டார்.