டொனால்டு ட்ரம்பை குறிவைத்து மீண்டும் துப்பாக்கிச்சூடு நடத்தப்பட்டதாக தகவல். இந்நிலையில், ட்ரம்ப் பாதுகாப்பாக உள்ளதாக சிறப்பு பாதுகாப்புப் படையினர் அறிக்கை.
உத்தராகண்ட் மாநிலத்தில் நிலச்சரிவில் சிக்கிய தமிழர்கள் 30 பேரும் பாதுகாப்பாக மீட்பு. இந்நிலையில், தமிழக அரசுக்கு நன்றி தெரிவித்து மீட்கப்பட்ட மக்கள் உருக்கம்.
முதலமைச்சர் மு.க.ஸ்டாலினுடன் விசிக தலைவர் திருமாவளவன் இன்று சந்திப்பு. முன்னதாக, ஆட்சி, அதிகாரத்தில் பங்கு என திருமாவளவன் பேசியயிருந்ததால், இந்த சந்திப்பு முக்கியத்துவம் வாய்ந்ததாக பார்க்கப்படுகிறது.
வன்னியர்களும், பட்டியல் சமூகத்தினரும்தான் அதிகளவில் மதுவுக்கு அடிமையாகி இருக்கிறார்கள் என பாமக தலைவர் அன்புமணி ராமதாஸ் வேதனை.
சென்னை திருவல்லிக்கேணியில், மசூதி அருகே மேளதாளம் முழங்க விநாயகர் சிலை ஊர்வலம் எடுத்துச்செல்லப்பட்டதற்கு எதிர்ப்பு தெரிவித்து இஸ்லாமியர்கள் வாக்குவாதத்தில் ஈடுபட்டதால் பரபரப்பு.
கேரள மாநிலம் மலப்புரத்தில் நிபா வைரஸ் பாதிப்பால் 24 வயது இளைஞர் உயிரிழந்துள்ளதாக அம்மாநில சுகாதாரத்துறை அமைச்சர் வீணா ஜார்ஜ் தகவல்.
மக்கள் தொகை கணக்கெடுப்பிற்கான தயாரிப்புகளை தொடங்கிய மத்திய அரசு. இதில், சாதி விவரங்களை கேட்பது குறித்து முடிவு செய்யப்படவில்லை என தகவல்.
முதலமைச்சர் பதவியிலிருந்து விலகுவதாக அர்விந்த் கெஜ்ரிவால் அறிவிப்பு. மேலும், இனி மக்கள் தீர்ப்புக்கு பிறகே முதல்வர் நாற்காலியில் அமருவேன் என்றும் திட்டவட்டம்.
நைஜீரியாவில் சிறைச்சாலை சுவர் இடிந்ததால் 281 கைதிகள் தப்பியோட்டம். இந்நிலையில், 7 பேர் பிடிக்கப்பட்டு மீண்டும் சிறையில் அடைப்பு.
ஒலிம்பிக், பாராலிம்பிக் போட்டிகளில் வெற்றி பெற்ற பிரான்ஸ் வீரர், வீராங்கனைகள் கவுரவிப்பு.