தமிழகத்தில் விழுப்புரம், புதுக்கோட்டை, நெல்லை, தென்காசி உள்பட 5 மாவட்டங்களில் இன்று கனமழை பெய்யும் என வானிலை ஆய்வு மையம் கணிப்பு.
சிலந்தி ஆற்றின் குறுக்கே தடுப்பணை கட்டும் பணியை நிறுத்த வேண்டும் என கேரள முதலமைச்சர் பினராயி விஜயனுக்கு, தமிழக முதலமைச்சர் மு.க. ஸ்டாலின் கோரிக்கை.
முல்லை பெரியாறு அணை விவகாரத்தில் மத்திய சுற்றுச்சூழல் துறைக்கு கடிதம் எழுத தமிழக அரசு திட்டம். கேரளா அரசின் விண்ணப்பத்தை நிராகரிக்குமாறு வலியுறுத்த முடிவு.
மக்களவை 6ஆம் கட்ட தேர்தலுக்கான பரப்புரை ஓய்ந்தது. இந்நிலையில், 58 தொகுதிகளுக்கு நாளை வாக்குப்பதிவு நடைபெற வுள்ளது.
காங்கிரஸ் ஆட்சிக்கு வந்தால் "ராம்" என உச்சரிப்பவர்கள் கைது செய்யப்படுவார்கள் என ஹரியானா பரப்புரை கூட்டத்தில் பிரதமர் நரேந்திர மோடி பேச்சு.
சென்னை தண்டையார்பேட்டை தொழிற்சாலையில் பயங்கர தீ விபத்து ஏற்பட்டதில், வான் நோக்கி கரும்புகை எழுந்த நிலையில், 7 மணி நேரம் போராடி தீயணைப்பு வீரர்கள் தீயை கட்டுப்பாட்டிற்கு கொண்டு வந்தனர்.
நெல்லை மாவட்டம் அம்பாசமுத்திரம் அருகே ஒரே வாரத்தில் சிக்கியது 4 சிறுத்தைகள். இந்நிலையில் மீண்டும் சிறுத்தைகள் ஊருக்குள் வராமல் தடுக்க கிராம மக்கள் வலியுறுத்தல்.
ஐபிஎல் இறுதிப்போட்டியில் கொல்கத்தா அணியுடன் மோதப்போவது யார்? இன்று நடைபெறும் குவாலிஃபையர் ஆட்டத்தில் ஐதராபாத் - ராஜஸ்தான் அணிகள் மோதுகின்றன.