புதிதாக பதவியேற்ற மத்திய அமைச்சர்களுக்கு துறைகள் ஒதுக்கீடு செய்யப்பட்டுள்ளது. இதன்படி, அணுசக்தி, விண்வெளி, பணியாளர் நலத்துறைகளை தன்வசம் வைத்துக்கொண்டார் பிரதமர் மோடி.
ராஜ்நாத் சிங்கிற்கு பாதுகாப்புத்துறை, அமித்ஷாவுக்கு உள்துறை, நிர்மலா சீதாராமனுக்கு நிதித்துறை, ஜெய்சங்கருக்கு வெளியுறவுத்துறை அப்படியே ஒதுக்கீடு செய்யப்பட்டுள்ளன. மன்சூக் மாண்டவியா வசமிருந்த சுகாதாரத்துறை ஜெ.பி.நட்டாவுக்கு மாற்றம் செய்யப்பட்டுள்ளது.
நரேந்திர சிங் தோமரிடம் இருந்த வேளாண்துறை, சிவராஜ் சிங் சவுகானுக்கும், தேசிய ஜனநாயக கூட்டணியில் உள்ள கர்நாடக முன்னாள் முதலமைச்சர் குமாரசாமிக்கு கனரக தொழில்துறையும், தெலுங்கு தேச எம்பி ராம்மோகன் நாயுடுவுக்கு விமான போக்குவரத்துத்துறை ஒதுக்கீடு செய்யப்பட்டுள்ளது.
யார் யாருக்கு எந்தெந்த துறை என்ற முழு விவரத்தையும், கீழ்வரும் இணைப்பில் காணலாம்...
ராய் பரேலி பொதுக்கூட்டத்தில் இன்று பங்கேற்று வாக்காளர்களுக்கு நன்றி கூறுகிறார் ராகுல் காந்தி. மேலும், கேரளாவின் வயநாடு தொகுதிக்கு நாளை செல்ல திட்டம்.
நாடாளுமன்ற திமுக குழுத்தலைவராக கனிமொழி, மக்களவை குழு தலைவர் டிஆர் பாலு, மாநிலங்களவை குழு தலைவர் திருச்சி சிவா என அறிவிப்பு வெளியாகியுள்ளது.
ஜூன் மாதத்திற்காக வரி பகிர்வு நிதியாக ஒரு லட்சத்து 39 ஆயிரம் கோடி ரூபாயை விடுவித்தது மத்திய நிதியமைச்சகம். இந்நிலையில், தமிழ்நாட்டிற்கு 5,700 கோடி ரூபாய் விடுவிக்கப்பட்டுள்ளது.
கர்நாடகாவை சேர்ந்த சோமன்னாவை மத்திய நீர்வளத்துறை இணையமைச்சராக நியமித்ததற்கு எதிர்ப்பு தெரிவித்து, காவிரி நதிநீர் பிரச்னை இருப்பதை சுட்டிக்காட்டி தமிழகத்தில் கண்டனம் வலுத்து வருகிறது.
கிழக்கு ஆப்ரிக்க நாடான மலாவியில் துணை அதிபர் சென்ற விமானம் மாயமாகியுள்ளது. இந்நிலையில், ரேடாரில் இருந்து காணாமல் போன விமானத்தை தேடும் பணிகள் தீவிரமாக நடைபெற்று வருகின்றன.
இருபது ஓவர் உலகக்கோப்பை போட்டியில் போராடி வீழ்ந்தது வங்கதேசம். 4 ரன்கள் வித்தியாசத்தில் தென்னாப்ரிக்க அணி வெற்றியடைந்தது.