பொதுப் போக்குவரத்துக்கான பேருந்துகளையும், பேருந்து நிலையங்களையும் சுத்தமாக வைத்துக் கொள்ளுமாறு அனைத்து மாநில அரசுகளுக்கும் மத்திய அரசு உத்தரவிட்டுள்ளது.
மத்திய சாலைப் போக்குவரத்து மற்றும் நெடுஞ்சாலைத்துறை, அனைத்து மாநிலங்கள் மற்றும் யூனியன் பிரதேசங்களுக்கு இதுகுறித்து அறிவுரையை அனுப்பியுள்ளது.
சீனாவில் கண்டறியப்பட்டு உலகின் பல்வேறு நாடுகளில் பரவி வரும் கொரோனா வைரஸ் பாதிப்பிலிருந்து பாதுகாத்துக் கொள்ளும் முன்னெச்சரிக்கைக்காக இப்பணிகளை மேற்கொள்ளுமாறு அறிவுறுத்தப்பட்டுள்ளது.
பேருந்துகள், பேருந்து நிலையங்கள், பேருந்து முனையங்கள் மற்றும் பேருந்து நிறுத்தங்களையும் சுத்தமாக வைத்துக் கொள்ளுமாறும், நோய்த்தொற்று ஏற்படாதவகையில் இருக்கிறதா என்பதை உறுதி செய்து கொள்ளுமாறும் மத்திய அரசு அறிவுரைகளை அனுப்பியுள்ளது.