பாலிவுட் நடிகர் சுஷாந்த் சிங் ராஜ்புத் மரணம் தொடர்பாக விசாரணைக்கு ஆஜராகுமாறு நடிகை ரியா சக்ரவர்த்திக்கு சிபிஐ சம்மன் அனுப்பியுள்ளது.
பிரபல பாலிவுட் நடிகர் சுஷாந்த் சிங் ராஜ்புத் மும்பையில் உள்ள தனது வீட்டில் தூக்கிட்டு தற்கொலை செய்து கொண்டதை தொடர்ந்து, அவரது தற்கொலை தொடர்பான வழக்கை போலீஸ் விசாரித்து வருகிறது. இதேபோல், சுஷாந்த் சிங்கின் தந்தை அளித்த புகாரின்பேரில், அவரது காதலியான ரியா மீது வழக்குப்பதிவு செய்யப்பட்டுள்ளது. மேலும் சுஷாந்த் மரணம் தொடர்பான வழக்கு சிபிஐ விசாரிக்க வேண்டும் என கோரிக்கை எழுந்தது.
இந்நிலையில் மத்திய அரசின் பரிந்துரையின் பேரிலும் உச்சநீதிமன்றம் உத்தரவின் பேரிலும் சுஷாந்த் மரணம் தொடர்பான வழக்கை சிபிஐ விசாரித்து வருகிறது. இதனையடுத்து சுஷாந்த் மரணம் தொடர்பான விசாரணைக்கு ஆஜராகுமாறு காதலி ரியாவுக்கு சிபிஐ சம்மன் அனுப்பியுள்ளது.