தாய் குளிப்பதை எட்டிப்பார்த்த நண்பனை சரமாரிக் குத்திக்கொன்ற தோழன் கைது செய்யப்பட்டுள்ளான்.
ஐதராபாத் புறநகர் பகுதியில் உள்ள லிங்கம்பள்ளியைச் சேர்ந்தவர் சம்பத். அதே பகுதியை சேர்ந்தவர் அஜய் தேவராஜ் (20). இருவரும் நண்பர் கள். அடிக்கடி சம்பத் வீட்டுக்கு வருவார் அஜய். இந்நிலையில் கடந்த ஞாயிற்றுக்கிழமை மூன்று மணியளவில் அஜய்யை அழைத்த சம்பத், தண்ணியடிக்கலாம் என்று கூறியிருக்கிறார். இருவரும் மது வாங்கிக்கொண்டு தாரா நகரில் உள்ள டிரேட் சென்டர் அருகே சாலை யோரத்தில் அமர்ந்து மதுகுடித்தனர்.
அப்போது தனது நண்பர்கள் சிலரையும் அழைத்துள்ளார் சம்பத். அனைவரும் மதுகுடித்துக்கொண்டிருந்தபோது, திடீரென்று தான் மறைத்து வைத்திருந்த கத்தியால் அஜய்யை சரமாரியாகக் குத்தினார் சம்பத். பின்னர் கழுத்தையும் அறுத்தார். இதையடுத்து ரத்த வெள்ளத்தில் சாய்ந்தார் அஜய். இதைக் கேள்விபட்டு விரைந்து வந்த அஜய்யின் சகோதரன் அவரை மருத்துவமனைக்கு கொண்டு சென்றார். ஆனால், அவர் ஏற்கனவே இறந்துவிட்டதாக மருத்துவர்கள் தெரிவித்தனர்.
இந்நிலையில் அஜய்யை குத்திக்கொன்ற சம்பத் சந்தாநகர் போலீஸ் நிலையத்தில் சரணடைந்தார். போலீசாரிடம், ‘அடிக்கடி வீட்டும் வரும் அஜய், எனது அம்மா குளிப்பதை கடந்த மாதம் ஒளிந்திருந்து பார்த்தான். சில முறை இது தொடர்ந்து நடந்ததால் என்னால் பொறுத்துக் கொள் ள முடியவில்லை. நண்பன் என்றாலும் அவனை கொல்ல முடிவு செய்தேன். அதன்படி நண்ர்களுடன் சேர்ந்து கொன்றேன்’ என்று கூறியுள் ளார்.
ஆனால் போலீசார் வேறு கோணத்திலும் இதை விசாரித்து வருகின்றனர். அஜய் ஒரு பெண்ணை காதலித்து வந்ததாகவும் அதை விரும்பாத அந்த பெண்ணின் குடும்பத்தினர் சம்பத் மூலம் அஜய்யை கொன்றிருக்கலாம் என்றும் சந்தேகப்படுகின்றனர். இதுபற்றி விசாரணை மேலும் நடந்துவருகிறது.