கேரளாவில் முதல் முறையாக ஆயிரத்தை தொட்ட கொரோனா பாதிப்பு !

கேரளாவில் இதுவரை இல்லாத வகையில் கொரோனா பாதிப்பு முதன்முறையாக 1,038 பேருக்கு இன்று உறுதிச் செய்யப்பட்டுள்ளது.

கேரளாவில் கொரோனா பாதிப்புகள் தொடர்ந்து நாளுக்கு நாள் அதிகரித்து வந்த சூழலில் முதன்முறையாக இன்று 1,038 பேருக்கு தொற்று உறுதி செய்யப்பட்டு உள்ளது. இது ஒருநாளில் இதுவரை இல்லாத உச்சபட்ச எண்ணிக்கையாகும்.

இவற்றில் திருவனந்தபுரத்தில் 276 பேருக்கு தொற்று உறுதி செய்யப்பட்டு உள்ளது. இதனால், மொத்த பாதிப்பு எண்ணிக்கையானது 15 ஆயிரத்திற்கும் மேல் பதிவாகி உள்ளது. இதுவரை 5 ஆயிரத்திற்கும் மேற்பட்டோர் குணமடைந்துள்ளனர். 44 பேர் உயிரிழந்து உள்ளனர். கேரளாவில் கொரோனா பாதிப்புக்கு 8,818 பேர் சிகிச்சை பெற்று வருகின்றனர். இதனை அம்மாநில முதல்வர் பினராயி விஜயன் உறுதிப்படுத்தி இருக்கிறார்.