ஜம்மு காஷ்மீரின் பண்டிபோரா மாவட்டத்தில் பயங்கரவாதிகள் நடத்திய தாக்குதலில் ராணுவ வீரர்கள் இருவர் உயிரிழந்தனர். பயங்கரவாதிகளுடனான சண்டையில் ராணுவ வீரர்கள் இருவர் உயிரிழந்தனர்.
வடக்கு காஷ்மீரின் பண்டிபோரா மாவட்டத்தில் உள்ள ஹஜின் பகுதியில் தீவிரவாதிகள் இருப்பதாக தகவல் கிடைத்ததை அடுத்து இன்று காலை முதல் ராணுவ வீரர்கள் தேடுதல் பணியில் ஈடுபட்டனர். ஹஜினில் உள்ள பரிபல் கிராமத்தை ராணுவ வீரர்கள் சுற்றி வளைத்தனர். அப்போது, இந்திய ராணுவ வீரர்களுக்கும், தீவிரவாதிகளுக்கும் இடையே கடும் துப்பாக்கிச் சண்டை நடைபெற்றது.
இந்த சண்டையில் இரண்டு தீவிரவாதிகள் சுட்டுக் கொல்லப்பட்டதாக பாதுகாப்புத்துறை செய்தி தொடர்பாளர் கேணல் ராஜேஷ் கலியா தெரிவித்தார். அதேபோல் இந்திய ராணுவ வீரர்கள் இருவர் கொல்லப்பட்டனர். மூன்று ராணுவ வீரர்கள் காயம் அடைந்தனர். மேலும் இரண்டு அல்லது மூன்று தீவிரவாதிகள் இன்னும் பதுங்கி இருக்கக் கூடும் என்று கூறப்படுகிறது. இராணுவ வீரர்களின் தேடுதல் பணிகள் தொடர்ந்து நடைபெற்று வருகின்றது.