மத்தியப் பிரதேசத்தில் ஐந்து அடுக்கு மாடிகள் கொண்ட நட்சத்திர விடுதியில் தீ விபத்து ஏற்பட்டது.
இந்தூரின் விஜய் நகர் பகுதியில் உள்ள கோல்டன் கேட் நட்சத்திர விடுதியில் திடீரென தீப்பற்றிக் கொண்டது. விடுதியின் உள்ளே ஏற்பட்ட தீ, ஜன்னல் வழியாக அருகில் இருந்த இடங்களுக்கும் பரவியுள்ளது.
தகவலறிந்து சென்ற தீயணைப்புப் படையினர், தீயை கட்டுக்குள் கொண்டுவரும் பணிகளை மேற்கொண்டுள்ளனர். விடுதியில் தங்கியிருந்த பலர் வெளியேற்றப்பட்டதாகவும், ஒரு சிலர் உள்ளே சிக்கியிருக்கலாம் என காவல்துறையினர் தெரிவித்துள்ளனர். உயிர்ச் சேதம் எதுவும் ஏற்பட்டதா? என்பது குறித்த தகவல்கள் இதுவரை வெளியாகவில்லை.
எனினும், பல லட்சம் ரூபாய் மதிப்பிலான பொருட்கள் சேதமடைந்திருப்பதாக தெரிவிக்கப்பட்டுள்ளது.